राजकुमार ह्यारी क्यानडा गए

ह्यारी क्यानडाकाे भ्यानकुभरमा केही महिनादेखि मेघन र छाेरा आर्चीसँग बस्दै आएका छन् । ह्यारीले ८ महिने छाेरा आर्चीलाई सामान्य जीवनमै हुर्काउने बताएका थिए ।

क्यानडा जानुअघि उनले बेलायती प्रधानमन्त्री बोरिस जोन्सनसँग पनि ‘वान–टु–वान’ भेटवार्ता गरेका थिए । भेटमा प्रधानमन्त्री जोन्सनले राजकुमार ह्यारी, मेघन र छोरा आर्चीको सुखद भविष्यका लागि पुरै बेलायतले कामना गरेको बताए ।

मे २०१८ मा अमेरिकी अभिनेत्री मेघनसँग वैवाहिक जीवनमा जोडिएसँगै ‘शान्त र सहज जीवनयापन’ का लागि भन्दै ह्यारीले राजकीय जिम्मेवारी त्याग्ने संकेत गरेका थिए । ह्यारी दम्पतीले गत अक्टोबरमा शाही जीवनको चुनौती र केही बेलायती अखबारले आफूहरुको पिछा गरेको भन्दै चिन्ता व्यक्त गरेको समाचार प्रकाशित भएका थिए। ह्यारीले मिडियाका कारण मेघनले आफ्नी आमा डायनाकै नियति भोग्नुपर्ने त्राससमेत व्यक्त गरेका थिए । जनवरी ८ मा भने ह्यारी र मेघनले औपचारिक रुपमा सम्पूर्ण राजकीय जिम्मेवारीबाट अलग रहेर उत्तर अमेरिकामा नयाँ जीवनको सुरुवात गर्ने घोषणा गरेका थिए ।

दरबारसँग भएको नयाँ सम्झौताअनुसार ह्यारी र मेघनले महारानी एलिजाबेथको प्रतिनिधित्व गर्नेछैनन् । उनीहरु सैन्य नियुक्तिबाट हट्‌ने र बेलायती महारानीको औपचारकि प्रतनिधित्विसमेत गर्ने छैनन् । उनीहरुको शाही पदवी पनि खोसिएको छ । बकिंघम दरबारसँगको सम्झौताअनुसार ह्यारी र मेघनले वीन्डजोर वर्कसायरस्थित आफ्नो निवास फ्रगमोर कटेज मर्मतका लागि करदाताबाट लएिको २‍.४ मिलियन पाउन्ड पनि फिर्ता गर्ने भएका छन्।

सम्बन्धित समाचार

राजपरिवारको भूमिकाबाट अलग हुनुको विकल्प थिएन : ह्यारी

बेलायती राजकुमार ह्यारी र मेगनको शाही पदवी खोसिने

राजपरिवारको भूमिकाबाट अलग हुने प्रिन्स ह्यारी र मेगनको घोषणा