१८.१२°C काठमाडौं
युक्रेनी विमान खसाएको विरोधमा प्रदर्शन
तेहरान — मिसाइल प्रहार गरी युक्रेनी विमान खसाएको विरोधमा इरानको राजधानी तेहरानमा प्रदर्शन गरिएको छ ।
इरानी अधिकारीले विमान खसाएको विषयलाई ढाकछोप गरेको भन्दै सयौंको संख्यामा प्रदर्शनकारी सडकमा उत्रिएका हुन् । केही विश्वविद्यालयमा समेत प्रदर्शन भएको बीबीसीले लेखेको छ ।
विमान दुर्घटना प्रकरणमा झुट बोलेको भन्दै प्रदर्शनकारीले इरानका सर्वोच्च नेता आयातुल्ला अली खमानेइविरुद्ध नाराबाजी गरेका छन् । प्रदर्शन चर्किंदै गएपछि स्थिति नियन्त्रणका लागि सुरक्षाकर्मीले अश्रुग्यास हानेको छ ।
प्रदर्शनको समर्थन गर्दै अमेरिकी राष्ट्रपति डोनाल्ड ट्रप्पले ट्वीटसमेत गरेका छन् ।
इरानले गत बुधबार विमान ‘भूलबश’ खसाइएको भन्दै शनिबार स्वीकार गरेको थियो । युक्रेनी अन्तर्राष्ट्रिय एयरलाइन्सको फ्लाइट पी एस ७५२ विमान तेहरानमा रहेको इमाम खोमेइनी एयरपोर्ट नजिकै उडेको केही क्षणमा खसाएको थियो ।विमानमा सवार १७६ सबै यात्रुको मृत्यु भएको थियो ।
प्रकाशित : पुस २७, २०७६ ०८:४०
