१७.१२°C काठमाडौं
काठमाडौंमा वायुको गुणस्तर: १६०

इरानी मिसाइलले युक्रेनी जहाज खसालेकाे क्यानडेली प्रधानमन्त्रीको आरोप 

एजेन्सी

टोरन्टो — क्यानडाका प्रधानमन्त्री जस्टिन टुडोले युक्रेनी जहाजलाई इरानले मिसाइल हानेर खसालेको आरोप लगाएका छन् । उनले यसबारेमा आफूसँग प्रमाणसमेत भएको दाबी गरेका छन् । क्यानडाका सुरक्षा एजेन्सी र विभन्न स्रोतका अनुसार इरानले जहाज खसालेको प्रमाण प्राप्त भएको प्रधानमन्त्री ट्रुडोले बताए । 

इरानी मिसाइलले युक्रेनी जहाज खसालेकाे क्यानडेली प्रधानमन्त्रीको आरोप 

‘जबसम्म सत्थतथ्य पत्ता लाग्दैन तबसम्म हामी चुप बस्दैनौ“’ प्रधानमन्त्री ट्रुडोले भने, पीडितका परिवार र सम्पूर्ण क्यानडेली नागरिकले यसको जवाफ माग गरेका छन् , मलाई पनि यसको उत्तर चाहिएको छ ।

सन् २०१२ देखि क्यानडा र इरानबीच कुनै कुटनीतिक सम्बन्ध नरहेका कारण यस दुर्घटनाको छानबिन गर्न क्यानडालाई कठिन हुनेछ । क्यानडाका विदेशमन्त्री फ्रान्स्वा फिलिपले इरानी समकक्षी मोहम्मद जावेद जरिफलाई बिहीबार टेलिफोन गरेका थिए ।

क्यानडाका विदेशमन्त्री फिलिपले इरानी समकक्षीले दुर्घटनाको सत्यतथ्य छानबिन गर्न सकारात्मक रहेको बताए ।


ब्रिटेन र अमेरिकाका नेताहरुले पनि विमान दुर्घटनाका पूर्ण जाँच हुनुपर्ने बताएका छन् । शुक्रबार अमेरिकाले पनि तेहरानमा भएको युक्रेन इन्टरनेसनल एयरलाइन्सको विमान दुर्घटनाको छानबिनमा सघाउने बताएको छ ।

युक्रेनी अधिकारीले पनि दुर्घटनाको स्वतन्त्र छानिबिनमा सघाउन संयुक्त राष्ट्रसँग सहयोग मागेको छ ।

बुधबार युक्रेनको एक यात्री विमान तेहरान हवाई अड्डाबाट उडान भर्ने बित्तिकै दुर्घटनाग्रस्त भएको थियो । दुर्घटनामा विमानमा सवार १७६ जना यात्रुको मृत्यु भएको थियो । जसमा ८२ जना इरानी, ६३ क्यानडेली, ११ युक्रेनी, १०स्विडेनी, ४ अफगानी, ३ जर्मन, र ३ जना बेलायती नागरिक रहेका थिए ।

प्रकाशित : पुस २५, २०७६ १५:१४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?