भाइरल भइरहेको एउटा अभियान ‘तिमी बलत्कारी हौ’ 

एजेन्सी

काठमाडौँ — अघिल्लो महिना महिलाविरुद्धको हिंसा उन्मूलनको अन्तर्राष्ट्रिय दिवसको दिन चिलीस्थित सैंटियाको सर्वोच्च न्यायलय भवन अगाडि सयौं महिलाहरुले प्रर्दशन गरे । 

ZenTravel

प्रर्दशनीमा आँखामा कालोपट्टि बाँधेर ‘तिमी बलत्कारी हौ’ भन्ने गीत गाइएको थियो। तिमी अथात् राज्य, पितृसत्तात्मक समाज, फितलो न्याय प्रणाली सबै बलात्कारी हुन् भन्छ गीतका शब्दले। गीत मार्चपास गरेको जस्तो डान्सिङ स्टेपसँगै गाइएको छ। यो भिडियो अहिले संसारभर भाइरल भइरहेको छ।

Meroghar

सुरुमा चिलीका महिलाहरुले लौंगिक हिंसा र बलात्कारजस्तो घटनामा पनि राज्य, न्याय प्रणाली र समाजले न्याय दिन नसकिरहेको संकटपूर्ण स्थितिप्रतिको कलात्मक प्रहार हो यो गीत। गीतको यही शक्तिशाली भाव छिटै नै चिलीबाट दक्षिण अमेरिकी देश हुँदै युरोप र संसारका अन्य भागमा पनि फैलियो। यो गीत फैलिएसँगै विश्वव्यापी नारीवादी अभियानले नयाँ प्रतिरोधी गीत पाएको छ।
नोभेम्बर २५ तारिखमा चिलीको महिलावादी समूह 'थिएसिस'ले पहिलोपटक यो गीत कम्पोज गरेर प्रस्तुत गरेका थिए। त्यसको पाँच दिन पछि मेक्सिकोको सडकमा पनि हज्जारौं महिला आँखामा कालोपट्टी बाँधेर यो गीत गाउँदै सडकमा आएका थिए।
आजको समयमा पनि संसारका हरेकजसो व्यवस्थाका महिलाले समानता, समता र सम्मानका लागि लडिरहनु परेको छ। महिलाद्वेषी समाज व्यवस्थाको दोषको टीकाजस्तैः बलात्कार, यौन तथा घरेलु हिंसाका कारण महिलाहरु खुम्चिएर बाँच्नुपरेको छ। तर, अब त्यो खुम्च्याइले संसारभर नै कतै असन्तुष्टि, कतै आक्रोश, कतै विद्रोहकै रुप लिँदो छ। यौन हिंसामा न्याय नपाइने, दोषीलाई कारबाही नहुने न्याय प्रणालीविरुद्धको आक्रोश संसारका सडकहरुमा यसरी पोखिदै छ।
यो गीतले हाम्रो पनि कथा भन्छ। गीतका शब्द यस्ता छन् :
पित्तृसत्ता न्यायाधीश हो
यसले हामी जन्मने बित्तिकै फैसला गरिदिन्छ
र, हाम्रो सजाय त्यो हिंसा हो जो तिमी देख्दैनौ
पित्तृसत्ता न्यायाधीश हो
यसले हामी जन्मने बित्तिकै फैसला गरिदिन्छ
र, हाम्रो सजाय त्यो हिंसा हो जो तिमी देख्छौ
यो महिला भएका कारण हुने हत्या हो,
हत्यारालाई दिने माफी हो
उसको दोषलाई नै गायब गर्दिनु हो
यो बलात्कार हो
र, यसमा म दोषी होइन,
न त म कहाा छु भन्ने कुरा
न त मैले कस्तो लुगा लगाएकी छु भन्ने कुरा
नै मेरो दोष हो
बलात्कारी तिमी हौ
बलात्कारी तिमी हौ
बलात्कारी प्रहरी हो
बलात्कारी न्यायाधीश हो
बलात्कारी राज्य हो
बलात्कारी राष्ट्रपति हो
दमनकारी राज्य एक बलत्कारी हो
बलात्कारी तिमी हौ
बलात्कारी तिमी हौ
अपराधीको डरबिना
अबोध केटी शान्तसाग सुत
सपनामा मुस्कानसहित माया गर्ने प्रहरीलाई देख
बलत्कारी तिमी हौ
बलत्कारी तिमी हौ

प्रकाशित : मंसिर २०, २०७६ ११:२६
ADVERTISEMENT
प्रतिक्रिया
पठाउनुहोस्
ADVERTISEMENT

हैदराबाद बलात्कार प्रकरण : चार आरोपित प्रहरीबाट मारिए

तेलंगना प्रहरीले ‘फेक इन्काउन्टर’ गरेको विपक्षी दल, अधिकारकर्मी र पत्रकारको दाबी
सुरेशराज न्यौपाने

(नयाँदिल्ली) — भारतको हैदराबादमा गतसाता भएको बलात्कार र हत्याका चार जना आरोपितलाई प्रहरीले ‘इन्काउन्टर’ गरेको छ । 

तेलंगना प्रहरीको नियन्त्रणमा रहेका आरोपितलाई शुक्रबार बिहान ३ बजे ‘इन्काउन्टर’ गरिएको हो । उनीहरूमाथि २७ वर्षीय पशु चिकित्सकको बलात्कारपछि हत्या गरेको आरोप लगाइएको थियो ।

तेलंगना प्रहरीमाथि आरोपित चारै जनालाई ‘फेक इन्काउन्टर’ गरेको आरोपसमेत लागेको छ । त्यसको जवाफमा प्रहरीले घटनाको सजीव चित्रण लिन आरोपितलाई घटनास्थलमा लगिएको तर त्यहाँ पुगेपछि उनीहरूले प्रहरीको हतियार खोस्न खोजेको तथा नियन्त्रणबाट फुत्केपछि आत्मरक्षाका लागि गोली चलाएको दाबी गरेको छ ।

भारतीय सञ्चारमाध्यमका अनुसार प्रहरीले आरोपितलाई हैदराबाद छेउको छत्तापल्लीमा पुर्‍याएको थियो । त्यहाँ पुर्‍याएपछि चारै जनामाथि गोली प्रहार गरेको आंशका गरिएको छ । प्रहरीले त्यस्तो दाबी गरे पनि अदालती प्रक्रिया जारी रहेका बेला बिहीबार राति एकाएक प्रहरी एनकाउन्टरमा चारै जना मारिनुले भारतीय लोकतन्त्र र न्याय प्रणालीको खिल्ली उडाएको भन्दै विरोधसमेत भएको छ ।

प्रहरीको प्रारम्भिक अनुसन्धानमा घटना भएको राति आरोपितहरूले सडक छेउमा रोकिराखेको महिलाको स्कुटरको टायर पन्चर गरेका थिए । त्यसपछि उनीहरूले महिलालाई नजिकैको पर झाडीमा लगेर बलात्कार गरेका थिए । प्रहरी अनुसन्धानअनुसार महिलालाई बलात्कारपछि मट्टितेल खन्याएर आगो लगाइएको थियो ।

घटनाको भोलिपल्ट दूध बेच्ने एकजना स्थानीयले महिलाको शव देखेपछि प्रहरीलाई खबर गरेका थिए । शव जलेको अवस्थामा भेटिएपछि हैदराबादमा प्रदर्शन चर्केको थियो । प्रदर्शनमा संलग्नहरूले आरोपितलाई तत्काल पक्रेर कडाभन्दा कडा सजाय दिनुपर्ने माग गर्दै आएका थिए ।

त्यसपछि तेलंगनाका मुख्यमन्त्री केसी रावले फास्ट ट्र्याक गठन गर्दै तत्काल जाँचको आदेश दिएका थिए । स्थानीय अदालतले आरोपित चारै जनालाई दुई साताका लागि न्यायिक हिरासतमा राख्न आदेश दिएको थियो ।
इन्काउन्टर घटनापछि भारतमा प्रहरीको पक्षविपक्षमा बहस चर्किएको छ । विपक्षी दलहरू, अधिकारकर्मी तथा पत्रकारहरूले घटनाले विधिको शासनको खिल्ली उडाएको भन्दै विरोध गरेका छन् भने केही राजनीतिक कर्मी तथा विश्लेषकहरूले त्यसको समर्थन गर्दै तेलंगना प्रहरीको प्रशंसा गरेका छन् ।

भारतको राष्ट्रिय मानवअधिकार आयोगले घटनाको निष्पक्ष छानबिन गर्न माग गरेको छ । त्यसैगरी, भारतको राष्ट्रिय महिला आयोगकी अध्यक्ष रेखा शर्माले घटनाले संविधान र कानुनी प्रक्रियामाथि प्रश्न उठाएको बताएकी छन् । भारतीय सञ्चारमाध्यमका अनुसार राजनीतिकर्मी, अधिकारकर्मी, पत्रकार तथा विपक्षी दललेसमेत घटनाप्रति विरोध जनाएका छन् ।

विपक्षी भारतीय राष्ट्रिय कंग्रेसका वरिष्ठ नेता तथा पूर्वअर्थमन्त्री पी चिदम्बरमले घटनाप्रति चासो व्यक्त गर्दै छानबिनको माग गरेका छन् । त्यसैगरी, वरिष्ठ पत्रकार तथा विश्लेषक शेखर गुप्ताले घटनाप्रति आक्रोश जनाउँदै हैदराबाद घटनाप्रति दंग हुनेहरूले आईएसले टाउको काटेको, तालिवान र माओवादीले आफैं मृत्युदण्डको सजाय दिएका घटनाप्रति गुनासो गर्न नमिल्ने भनेका छन् ।

त्यसैगरी, महिला अधिकारकर्मी तथा लेखिका सोनम मित्तलले आफू स्वयं बलात्कार पीडित भए पनि पछिल्लो घटनालाई समर्थन गर्न नसकिने जनाएकी छन् । ‘म आफैं बलात्कारपीडित तर लैंगिक न्यायका नाममा दिइएको यस किसिमको सजायको भर्त्सना गर्छु,’ उनले ट्वीटमा लेखेकी छन् ।

कतिपय सत्तापक्षीय सांसदले पनि घटनाको विरोध गरेका छन् । सत्तारुढ दल भारतीय जनता पार्टी (भाजपा) नेतृ मेनका गान्धीले घटनाप्रति आपत्ति जनाउँदै तेलंगना प्रहरीको आलोचना गरेकी छन् । ‘जे भयो देशका लागि अत्यन्त भयानक भयो । कसैलाई पनि मार्न पाइँदैन । कसैले पनि कानुन हातमा लिन मिल्दैन । आरोपितलाई अदालतले नै फाँसी दिन सक्थ्यो,’ पूर्व केन्द्रीय महिला तथा बालविकास मन्त्रीसमेत रहेकी गान्धीले भनेकी छन् ।



सत्तारुढ पक्षका र अन्य केही राजनीतिकर्मी भने घटनाको समर्थनमा उभिएका छन् । समाजवादी पार्टीका प्रमुख अखिलेश यादवले हैदराबाद घटनाप्रति संकेत गर्दै पीडितले न्याय पाएको ट्वीट गरेका छन् । त्यसैगरी, पूर्वमन्त्री राज्यवर्द्धन राठौरले पनि राजनीतिक नेतृत्वले पनि यही शैलीमा काम गर्नुपर्ने भन्दै घटनालाई लिएर प्रहरीको प्रशंसा गरेका छन् ।
सत्तारुढ दल भारतीय जनता पार्टी (भाजपा) की नेतृ मिनाक्षी लेखीले शुक्रबार भारतको तल्लो सदन लोकसभामा प्रहरीलाई हतियार खेलौनाका रूपमा राख्न नदिइएको बताउँदै घटनाको बचाउ गरेकी छन् ।

प्रकाशित : मंसिर २०, २०७६ ११:२४
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×