गाई चोरेको आशंकामा कुटेर दुईको हत्या

एजेन्सी

पश्चिम बंगाल, भारत — भारतको पश्चिम बंगालमा गाई चोरेको आशंकामा दुई जनालाई कुटेर हत्या गरिएको छ । कुचबिहार जिल्लास्थित पुटमारी फुलेश्वरी गाउँ पंचायतमा भएको घटनामा हत्या गरिएकामा ३२ वर्षिय प्रकास दास र ४० वर्षीय रबिउल इस्लाम रहेको बीबीसीले जनाएको छ ।

ZenTravel

प्रहरीले यो घटनामा संलग्न आरोपमा १४ जनालाई पक्राउ गरेको छ । स्थानीय प्रहरीका अनुसार माथाभांगाका दास र इस्लामले बिहीबार पिकअप भ्यानमा दुई वटा गाई लिएर गईरहेका थिए । स्थानीयले गाई लगिरहेको भन्दा बाटो अवरुद्ध गरि दुवैलाई कुटपिट गर्नुका साथै भ्यानमा आगो लगाएका थिए ।

कुटपीटबाट गम्भिर घाईते दुर्वलाई प्रहरीले उद्धार गरि कुचबिहार मेडिकल कलेज पुर्याएका थिए । त्यहाा चिकित्सकले दुवैलाई मृत्त घोषित गरेको थियो । प्रहरीले घटनाको अनुशन्धान थालेको छ । घटनापछि माथाभांगा गाउाका सबै पुरुष फरार छन् । पुटीमारी फूलेश्वरी गाउँ पंचायतका प्रधान आलना यास्मीनले भनिन., ‘यो दुखद घटना हो, आशंकाकै भरमा घटना भएको छ, यसको समर्थन गर्न सकिन्न ।’ एक स्थानीयले गाउामा प्रत्येक दिन पशुचोर आउने गरेको बताए । उनले भने, ‘ती चोरहरुसँग गाई तस्करहरु पनि मिलेका छन् । यहाँबाट बंगलादेशको सीमा नजिक छ । चोर पक्राउ गर्न गाउालेहरुले पालैपालो पहरा दिन्छन् ।’ प्रत्यक्षदर्शीका अनुसार गाई लगिरहेको पिकअपमा कुनै नम्बर प्लेट नभएर पनि घटना भएको हो ।

गाउँलेहरुका अनुसार अघिल्लो साता गाउाबाट चार वटा गाई चोरी भएको थियो । यसबारे प्रहरीलाई सुचना दिएपनि सुनुवाई नभएपछि गाउालेहरु मिलेर पहरा दिन थालेका हुन । एक जना मृतकका काका सोमेश्वर दासले भतिजा बेरोजगार रहेकोले पशुहरुको खरिदविक्रीको धन्दा थालेका थिए । ‘मेरो भतिजा पशु तस्कर चाही थिएनन्’ उनले भने, ‘प्रकाश घरमा एक्लो कमाउने सदस्य थिए । राज्यले दोषीहरुलाई कडा सजाय र पीडित परिवारजनलाई क्षतिपुर्ति दिनुपर्छ ।’

प्रहरीका अनुसार यो क्षेत्रमा बंगलादेशबाट खुलेआम पशुहरुको तस्करी हुनु सामान्य मानिन्छ । ‘पछिल्ला केही महिनायता यो क्षेत्रका गाउाहरुमा गाई चोरी हुने घटना बढेको छ’ ती प्रहरीले नाम नछाप्ने सर्तमा भने, ‘यो क्षेत्रमा पशु तस्कर सक्रिय छन् ।’ पश्चिम बंगालको ममत बनर्जी सरकारले राज्यमा भीडद्वारा मानिसको हत्या गर्ने घटना बढेपछि त्यसका अंकूस लगाउन तीन महिनाअघि ‘द वेस्ट बंगाल (प्रीभेन्सन अफ लिंचिङ्ग) बिल २०१९ विधानसभाबाट पारित गरेको थियो ।

भीडको कुटपीटबाट व्यक्तिको मृत्यु भएको अवस्थामा दोषीहरुलाई आजीवन कारावासको सजाय र पााच लाख भारु जुर्मानाको व्यवस्था कानुनमा छ । तर तीन महिनायता छुट्टाछुट्टै घटनामा कम्तीमा नौ जनाको भीडको कुटपीटबाट मृत्यु भइसकेको छ । गत जुलाईमा उत्तर बंगालको जलपाईगुडी र अलीपुरदुआर जिल्लामा बच्चा चोरको आशंकामा एक महिला र पुरुषको स्थानीयको भीडले कुटेरै हत्या गरेका थिए ।

प्रकाशित : मंसिर ६, २०७६ २१:४३
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

धर्नापछि होस्टेल फर्किँदा विद्यार्थीमाथि कुटपिट

‘वीरगन्जवासी हामीलाई साथ देउ’
भूषण यादव

(वीरगन्ज) — शुक्रबार राति करिब ८ बजेको समयमा नेशनल मेडिकल कलेजमा एमबिबिएस अध्यनरत विद्यार्थीले वीरगन्जको सडकमा मेडिकल माफियाको लडाइँमा वीरगन्जवासीको साथ मागेका छन् । 

अतिरिक्त शुल्क फिर्ताको माग राख्दै कलेजको मुलगेट अगाडि धर्नामा बसेका विद्यार्थी साँझ होस्टेल फर्किने क्रममा कलेज परिसरमा रहेका व्यवस्थापन पक्षका केही युवा र एमबिबिएस चौथौँ वर्षका केही विद्यार्थी मिलेर आन्दोलनरत विद्यार्थीमाथि हातपात गरेका थिए । छात्रालाई दुर्व्यहार समेत गरेका थिए । ‘कलेज व्यवस्थापनको गुन्डागर्दीको विरोधमा यति राति सडकमा उत्रिएका हौँ,’ एक विद्यार्थीले भने, ‘शान्तिपूर्ण तरिकाले आन्दोलन गर्ने वातावरण छैन ।’ कलेज परिसरमा ठूलो संख्यामा सुरक्षाकर्मी उपस्थित भए पनि मुकदर्शक बनेको विद्यार्थीले गुनासो गरेका छन् ।
प्रहरी प्रशासनलाई यसअघि पनि पटकपटक कलेज परिसरमै कुटिएको गुनासो गर्दा पनि कुनै कारबाही नभएको विद्यार्थीले आरोप लगाएका छन् । ‘मेडिकल माफिया मुर्दावाद, गुन्डागर्दी गर्न पाइँदैन्, केटीलाई पिट्न पाइँदैन्, वीरगन्जवासी हामीलाई साथ दिनुस्,’ लगायतका नारा लगाउँदै विद्यार्थीले राति वीरगन्ज बजार परिक्रमा गरेका छन् । नेशनल मेडिकल कलेजका एमडी बशरुद्दिन अन्सारी निजी मेडिकल कलेजका अध्यक्षसमेत हुन् ।

सरकारले अतिरिक्त शुल्क फिर्ता गर्न निर्देशन दिए पनि कलेजले टेरेका छैनन् । विगत एक महिनादेखि विद्यार्थी आन्दोलनरत छन् । कलेजको १८ औँ व्याचका एमबिबिएस प्रथम वर्षमा अध्ययनरत एक विद्यार्थीका अनुसार कलेज व्यवस्थापनले लाइब्रेरी चार्जको नाममा ३५ हजार, खेलकुदबापत ४० हजार, सिडिपी चार्ज ५० हजार, होस्टेल र मेस चार्ज १५ हजार, इन्टरनेटबापत एक हजार ४ सय रुपैयाँ लगायत शीर्षकमा १२ लाख रुपैयाँ बढी असुल्ने गरेको छ ।
कलेजको होस्टलमा नबसे पनि होस्टलको शुल्क दाखिला गर्नुपर्छ । जबकि होस्टल बस्नुपर्ने अनिवार्य छैन । काठमाडौँ उपत्यका बाहिर राज्यले निर्धारण गरेको ४२ लाख ५० हजार रुपैयाँ शुल्क भन्दी नेसनल मेडिकल कलेजले बढी रुपैयाँ लिएको विद्यार्थीले बताउँदै आएका छन् । ‘विभिन्न बहानामा प्रति विद्यार्थी १२ लाख देखि १५ लाख रुपैयाँसम्म बढी शुल्क असुलेका छन्,’ ती विद्यार्थी भन्छन्, ‘अतिरिक्त शुल्क फिर्ताको माग राख्दा कलेजका सञ्चालक बशरुद्दिन अन्सारीले गुन्डा लगाएर कुटपिट गराएका छन् ।’

कलेजका एमडी अन्सारीले जुनियर विद्यार्थीको आन्दोलनका कारण अरु पढ्ने विद्यार्थीलाई नोक्सानी भएपछि सिनियर विद्यार्थीहरु आन्दोलनको विरोध गरेको बताए ।

प्रकाशित : मंसिर ६, २०७६ २१:०५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×