‘ट्रम्पले दबाब दिए’

(एजेन्सी)

वासिङ्टन — अमेरिकी राष्ट्रपति डोनाल्ड ट्रम्पले पूर्वराष्ट्रपति जो बाइडेनसम्बन्धी भ्रष्टाचारको छानबिनका लागि युक्रेनी राष्ट्रपतिलाई दबाब दिएको एक अमेरिकी कूटनीतिज्ञले खुलासा गरेका छन् । 

ट्रम्पविरुद्धको महाअभियोगसम्बन्धी जाँचबुझ सुनुवाइमा बयान दिँदै युरोपेली संघका लागि अमेरिकी राजूदत गोर्डन सन्डल्यान्डले ‘आफू इच्छुक नभए पनि ट्रम्पको आदेशअनुसार उनका व्यक्तिगत न्यायाधिवक्ता रुडी गिउलियानीसँग मिलेर काम गरेको’ जनाए ।


ट्रम्पले राष्ट्रपतिको शक्ति दुरुपयोग गरे/नगरेकोबारे संसद्को तल्लो सदन हाउस अफ रेप्रिजेन्टेटिभ्सले छानबिन गरिरहेको छ । त्यस विषयमा अमेरिकाको तल्लो सदनले गतसातादेखि सार्वजनिक सुनुवाइ गरिरहेको छ । ट्रम्पमाथि बाइडेनविरुद्ध भ्रष्टाचारसम्बन्धी छानबिन गर्न युक्रेनका राष्ट्रपति भ्लोदिमिर जेलेन्स्कीलाई दबाब दिएको आरोप छ ।


ट्रम्पले गत जुलाई महिनामा टेलिफोनमार्फत् युक्रेनी समकक्षीसँग अनुचित राजनीति आग्रह गरेको आरोप लगाइएको छ । सन् २०२० को राष्ट्रपतीय चुनावमा डेमोक्र्याटिक पार्टीका सम्भावित उम्मेदवार जो बाइडनलाई पराजित गर्ने योजना बुनेको दाबी गरिएको छ ।


प्रकाशित : मंसिर ५, २०७६ ०९:२९
प्रतिक्रिया
पठाउनुहोस्
ADVERTISEMENT

माइतीघर मण्डलामा द्वन्द्वपीडितको धर्ना [तस्बिरहरु]

तस्बिर : दीपक केसी

काठमाडौँ — द्वन्द्वपीडितहरुले बिहीबार माइतीघर मण्डलामा धर्ना दिएका छन् । विस्तृत शान्ति सम्झौता भएको १३ वर्ष पुगेको अवसरमा उनीहरुले न्याय माग्दै धर्ना दिएका हुन् । धर्नामा राज्य र विद्रोही पक्षबाट पीडित बनेका विभिन्न जिल्लाबाट पीडित परिवार र प्रतिनिधि सामेल छन् ।

सहभागीले शान्ति सम्झौताको १३ वर्ष पुग्यो अब कति समय पर्खिने जवाफ दे सरकार, संक्रमणकालीन न्याय प्रक्रियामा राजनीतिक र सरकार हस्तक्षेप बन्द गर, यातना पीडितलाई यथाशीघ्र राहतको व्यवस्था गर लगायत नारा लेखिएका प्लेकार्ड सहित प्रदर्शन गरेका छन् । बिहान ९ बजे सुरु धर्ना कार्यक्रम १ घण्टा चल्ने छ ।


प्रकाशित : मंसिर ५, २०७६ ०९:२८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×