गोलीकाण्डमा ४ को मृत्यु
लस एन्जलस — अमेरिकाको क्यालिफोर्नियामा भएको गोलीकाण्डमा कम्तीमा ४ जनाको मृत्यु भएको छ ।
लस एन्जलसदेखि ३ सय ५० किलोमिटर टाढा पर्ने फ्रेन्सोमा भएको गोलीकाण्डमा ६ जना घाइते भएका प्रहरीले जनाएको छ । पारिवारिक सदस्यहरू जम्मा भएको स्थानमा एक व्यक्तिले आइतबार गोली प्रहार गरेका प्रहरीको भनाइ छ । गोली प्रहार गरिएका बेला घटनास्थलमा ३५ जना उपस्थित थिए ।
अधिकारीअनुसार पीडितहरू फुटबल खेल हेर्नका लागि उक्त स्थानमा भेला भएका थिए । प्रारम्भिक विवरणअनुसार अपरिचित व्यक्तिले अन्धाधुन्ध गोली प्रहार गरेका देखिएको फ्रेन्सो प्रहरी विभागका उपप्रमुख मिचेल रिडले बताए । गोली प्रहार गर्नेको हालसम्म पहिचान नभइसकेको उनले जनाए ।
प्रतिक्रिया
