बुलबुल आँधीबाट बंगलादेश र भारतमा २० जनाको मृत्यु

एएफपी

खुल्ना, बङ्गलादेश — बंगलादेश र भारतको तटीय क्षेत्रमा ‘बुलबुल’ नाम दिइएको सामुद्रिक आँधीका कारण मृत्यु हुनेको संख्या २० पुगेको छ । आँधी प्रभावित २० लाख भन्दा बढी व्यक्तिलाई अस्थायी शिविरमा राखिएको छ । 

ZenTravel

करिब १ सय २० किलोमिटर प्रतिघण्टाको गतिमा शनिबार ८:३० बजे भारतको पश्चिम बंगालबाट बंगलादेशको उत्तरपूर्वी क्षेत्रतर्फ आएको आँधीका कारण दुवै देशका बन्दरगाह र विमानस्थल बन्द गर्न बाध्य पारेको बताइएको छ ।

Meroghar


बुलबुलबाट भारतको पश्चिम बंगाल राज्यमा १० जनाको मृत्यु भएको प्रेस ट्रस्ट अफ इन्डिया (पीटीआई)ले जनाएको छ । अन्य दुई जनाको ओडिशा राज्य नजिकै मृत्यु भएको छ । बंगलादेशमा कम्तीमा ८ जनाको मृत्यु हुनुका साथै अन्य २० घाइते भएका छन् ।

बंगलादेशको दक्षिणी टापु भोलानजिकै रहेको मेघना नदीमा माछा मार्न गएका पाँचजना माझी हराइरहेका जिल्ला प्रशासक मसूद आलम सिद्दीकीले एएफपीलाई बताएका छन् ।

बुलबुलबाट प्रायः माटो र जस्तापाताले बनाएका करिब चार हजार घरमा क्षति पुगेको प्रकोप व्यवस्थापन सचिव शाह कमलले बताए ।

बंगलादेशको मौसम विज्ञान विभागका अधिकारी अबुल कलाम मलिकले बुलबुल आँधीले आइतबार नै बंगलादेशको दक्षिणपश्चिमी तटीय क्षेत्र पार गरिसकेको जनाएका छन् ।

प्रकाशित : कार्तिक २५, २०७६ १६:२९
ADVERTISEMENT
ADVERTISEMENT
प्रतिक्रिया
पठाउनुहोस्

मोदीले दिए पाकिस्तानी प्रधानमन्त्री खानलाई धन्यवाद

एएफपी

भारतीय प्रधानमन्त्री नरेन्द्र मोदीले पाकिस्तानी प्रधानमन्त्री इमरान खानलाई धन्यवाद ज्ञापन गरेका छन् । भारतीय सिखलाई पाकिस्तान जान निःशुल्क प्रवेशाज्ञा दिनका लागि सहयोग गरेकोमा मोदीले इमरानलाई धन्यवाद दिएका हुन् । 

पाकिस्तान र भारतको सीमा क्षेत्रमा पर्ने धार्मिक क्षेत्रहरुको भ्रमणका लागि पाकिस्तानले त्यस्तो व्यवस्था गरिदिएको जनाइएको छ ।
सञ्चार माध्यमलाई प्रतिक्रिया दिने क्रममा प्रधानमन्त्री मोदीले भने,“पाकिस्तानका प्रधानमन्त्री इमरान खानले भारतको संवेदनशीलतालाई बुझिदिनु भएको छ र सहयोग गर्नुभएको छ, त्यसैले म उहालाई धन्यवाद दिन चाहन्छु ।”

प्रकाशित : कार्तिक २३, २०७६ १५:५६
पूरा पढ्नुहोस्
प्रतिक्रिया
पठाउनुहोस्
×