हवाई कारबाहीमा ६ तालिबान लडाकु मारिए
तालुकान — अफगानिस्तानको उत्तरी प्रान्त तखारको दर्काद जिल्लामा लुकेर बसेका तालिबान लडाकु विरुद्ध अफगान सेनाले गरेको सुरक्षा कारबाहीमा परी कम्तीमा ६ तालिबान लडाकु मारिएका छन् ।
लडाकु विमानले तालिबानीलाई लक्ष्य गरी यो कारबाही गरेको प्रान्तीय सरकारका प्रवक्ता मोहमद जवाद हजारीले बताएका छन् ।
हवाई कारबाहीमा परी अन्य पाँच लडाकू घाइते भएका छन् । यस हवाई कारबाहीको क्रममा सुरक्षाबल र सर्वसाधारणतर्फ भने कुनै हताहतको खबर नभएको बताइएको छ ।
अफगानिस्तानको राजधानी काबुलबाट २ सय ४५ किलोमिटर उत्तरमा पर्ने तखार प्रान्तमा सक्रिय रहेका तालिबानी लडाकु समूहले भने यस विषयमा कुनै टिप्पणी गरेका छैनन् ।
प्रकाशित : कार्तिक १४, २०७६ १७:०५