बालबालिकामा औषधिका रुपमा गाँजाको प्रयोग गर्न अनुमति- विश्व - कान्तिपुर समाचार
कान्तिपुर वेबसाईट
AdvertisementAdvertisement

बालबालिकामा औषधिका रुपमा गाँजाको प्रयोग गर्न अनुमति

नारायण खड्का

अस्ट्रेलिया — औषधिका रुपमा गाँजाको प्रयोग मिर्गी रोग लागेका बालबालिकाहरुमा प्रभावकारी भएपछि यसलाई विस्तार गरिने भएको छ ।

गाँजाबाट निर्मित तेल औषधिका रुपमा प्रयोग गर्न कानुनी आधार दिएको भिक्टोरिया राज्यले सिजर (मिर्गी) रोग लागेका बालबालिकाहरुको उपचारमा अझ विस्तृत रुपमा यसको प्रयोगमा ल्याउन सुरु गरेको हो ।


राज्यका स्वास्थ्यमन्त्री जेनी मिकाकोसले यो कार्यक्रम अहिले रहेका ६० बालबालिकाहरुबाट ९० जनामा विस्तार गर्न लागिएको जानकारी दिएकी छन् ।


यो औषधिको प्रयोगले सिजरका कारण पीडित बालबालिकाहरुलाई राहत हुने विश्वास उनले लिएकी छन् । यसका लागि थप ३.७ मिलियन डलर लाग्ने बताइएको छ । क्यानाडाको फार्मेसीबाट गाँजाबाट निर्मित तेल उपचारका लागि प्रयोग गरिने समाचारहरुमा जनाइएको छ ।


भिक्टोरिया राज्यले सन् २०१६ देखि गाँजालाई औषधिका रुपमा प्रयोग गर्न दिनेगरि कानुन निर्माण गरेको थियो । भिक्टोरियास्थित रोयल चिल्ड्रन अस्पतालका डाक्टर जेरेमी फ्रिम्यानले यो औषधिको प्रयोग अन्य औषधिसँग प्रयोग गरेर फाईदा पुगेको बताएका छन् । उनले यो औषधिको प्रयोग गरेका र सफल भएका बालबालिकाहरुको स्वास्थ्य अवस्था चाँडै सुधार भएको बताएका छन् ।


अस्ट्रेलियामा औषधिजन्य प्रयोगका लागि गाँजाको प्रयोगलाई कानुनी मान्यता दिइएको छ । हरेक राज्यहरुमा कडा प्रावधानका साथ कानुनी अनुमति दिइएको भएपनि भिक्टोरिया राज्यले पहिलोपटक औषधिका रुपमा प्रयोग गर्न दिने कानुन निर्माण गरेको हो ।


उपचारका लागि गाँजालाई कानूनी आधार दिइएको भएपनि यसलाई धुम्रपानको माध्यमबाट प्रयोग गर्न भने बन्देज गरिएको छ ।

प्रकाशित : आश्विन २६, २०७६ १६:३८
प्रतिक्रिया
पठाउनुहोस्

चिनियाँ राष्ट्रपतिको गृहनगरसँग बुटवलको भगिनी सम्बन्ध स्थापना

अमृता अनमोल

बुटवल — बुटवल र चीनको सियान सहरबीच भगिनी सम्बन्ध स्थापना भएको छ । सियान सिटी चिनियाँ राष्ट्रपति सी चिनफिङको गृहनगर हो । 

चिनियाँ राष्ट्रपति सीको नेपाल भ्रमणका अवसरमा आइतबार काठमाडौंमा भगिनी सम्बन्ध स्थापना भएको हो । बुटवल उपमहानगरपालिका प्रमुख शिवराज सुवेदी र नेपालका लागि चिनीयाँ राजदूत होउ यान्छीले प्रधानमन्त्री केपी शर्मा ओली र चिनियाँ राष्ट्रपति सी चिनफिङको उपस्थितीमा ऐतिहासिक सम्बन्ध स्थापनाको हस्ताक्षारपछि समझदारी पत्र आदनप्रदान गरे ।

भगिनी सम्बन्धले विकास र संस्कृति आदान प्रदान हुने उपमहानगर प्रमुख सुवेदीले बताए । ‘त्यहााको कला, संस्कृति र विकास हामीले सिक्ने छौ । यहाँको त्यहाँ सिकाउने अवसर जुरेको छ,’ उनले भने,‘यसले सम्वृद्ध नगर बनाउन सहज हुनेछ ।’

सियान चीनको सांस्कृतिक हिसाबले धनी सहर मानिन्छ । बुटवल बुद्धबलीको ऐतिहासिक क्षेत्र तथा प्रागऐतिहासिक रामापिथेकशको अवशेष फेला परेको क्षेत्र हो ।

सियान सहरका उच्च अधिकारीहरुले यसअघि बुटवलको भ्रमण गरेका थिए । त्यसक्रममा उनीहरुले बुटवलको सांस्कृतिक र ऐतिहासिक पक्ष महत्वपूर्ण रहेको भन्दै प्रसंशासमेत गरेका थिए ।

प्रकाशित : आश्विन २६, २०७६ १५:५३
पूरा पढ्नुहोस्
प्रतिक्रिया
पठाउनुहोस्
×