तालिवान र पाकिस्तानबीच शान्तिवार्ता गर्न सहमति

सिन्ह्वा

इस्लामाबाद — अफगानी तालिवान समूहको प्रतिनिधिमण्डल र पाकिस्तानबीच शान्तिवार्तालाई पुनः सञ्चालन गर्ने विषयमा बिहीबार सहमति भएको छ ।

अमेरिकी मध्यस्थतामा वार्ता चलिरहेको र वार्ता सहमतिनजिक पुगेको बताइरहेका समय अफगानिस्तानको काबुलमा भएको एक विस्फोटमा एक अमेरिकी कर्मचारीको मृत्यु भएपछि राष्ट्रपति डोनाल्ड ट्रम्पले सेप्टेम्बरको सुरुमा अकस्मात् तथा एकतर्फी रूपमा तत्कालका लागि वार्ता अवरूद्ध भएको घोषणा गरेका थिए ।


तालिवान राजनीतिक आयोगको एक प्रतिनिधिमण्डलले पाकिस्तानी विदेशमन्त्री शाह महमुद कुरेसीलाई उनको मन्त्रालयमा भेट गरी शान्तिवार्ता पुनः आरम्भ गर्ने विषयमा छलफल भएको पाकिस्तानी स्रोतले जनाएको छ । आयोगका प्रमुख मुल्ला अब्दुल घानी बराडर नेतृत्वको १२–सदस्यीय प्रतिनिधिमण्डलमा आयोगका वरिष्ठ सदस्यहरू रहेका थिए । सन् २०१३ मा आयोगको गठन भएपछि अफगानी तालिवानी प्रतिनिधिमण्डलको यो पहिलो भ्रमण हो ।


प्रकाशित : आश्विन १७, २०७६ २१:०१
प्रतिक्रिया
पठाउनुहोस्

इन्डोनेसियामा हिंसा भड्किदा २४ को मृत्यु

सिन्ह्वा

जकार्ता — इन्डोनेसियाको तनावग्रस्त पपुवा क्षेत्रमा सोमबार भड्किएको हिंसाका कारण मृत्यु हुने व्यक्तिको संख्या २४ पुगेको अधिकारीहरूले बताएका छन् । उक्त घटनामा अन्य ७२ जना घाइते भएका सेनाका प्रवक्ता कर्नेल एको  दारियान्तोले बताएका छन् । 

अधिकारीका अनुसार आन्दोलनरत समूहले सहरका भवनहरुमा आगजनी गरेपछि धेरैको भवनभित्र आगोले जलेर ज्यान गएको थियो ।

'मृतकमध्ये धेरैजसो व्यक्तिको प्रदर्शनकारीले भवनमा लगाएको आगोमा परी दुःखद निधन भएको छ', दारियान्तोले भने ।

घाइतेमध्ये केहीको शरीरको अधिकांश भाग जलेकोले उनीहरूलाई उद्धार गरी उपचारका लागि स्थानीय अस्पतालहरुमा भर्ना गरिएको छ ।

भवनहरुको आगो निभाइ सकिएपनि भवनका सबै तलामा उद्धार टोली पुगिनसकेकोले मृतकको संख्या थप बढ्नसक्ने प्रारम्भीक सूचना आफूले पाएको दारियन्तोले बताए ।

प्रकाशित : आश्विन ७, २०७६ १५:१४
पूरा पढ्नुहोस्
प्रतिक्रिया
पठाउनुहोस्
×