बेइजिङमा नेपालको राष्ट्रिय दिवस   

लक्ष्मी लम्साल

बेइजिङ — संविधान जारी भएको चौथो वार्षिकोत्सवको उपलक्ष्यमा बेइजिङस्थित नेपाली राजदूतावासले बुधबार राष्ट्रिय दिवस समारोहको आयोजना गरेको छ।

कार्यक्रममा चिनियाँ उपविदेश मन्त्री ल्वो चाउ हुइका साथै विभिन्न देशका कूटनीतिक नियोगका प्रतिनिधिहरू र अध्ययन तथा कामको सिलसिला बेइजिङमा रहेका नेपालीहरूले भाग लिएका थिए। चिनियाँ उपविदेश मन्त्री ल्वोले राजदूत लीलामणि पौड्यालसँगै ‘चेयर्स’ गरेपछि राष्ट्रिय दिवस साँझ सुरू भएको थियो।

समारोहलाई संवोधन गर्दै चीनका लागि नेपाली राजदूत लीलामणि पौड्यालले चीनले ७० वर्षमा गरेको आर्थिक चमत्कारको प्रशंसा गरे। उनले भने, ‘चीनले गरिबी निवारण तथा आर्थिक विकासमा ठूलो प्रगति गरेको छ। चिनियाँ विकासको मोडल सिकेर नेपाल पनि लाभान्वित हुनेछ।’


चीन नेपालको राष्ट्रिय स्वाधीनता, सार्वभौमिकता र स्वतन्त्रताको सम्मान गर्ने असल छिमेकी मुलुक भएको बताउँदै राजदूत पौड्यालले नेपाल-चीन मित्रताले भविष्यमा अझै उन्नतिको बाटो लिने विश्वास प्रकट गरे।

कार्यक्रममा अध्ययनका सिलसिलामा बेइजिङमा रहेका नेपाली विद्यार्थीहरूले नेपाली सँस्कृति झल्किने गीतमा नृत्य प्रस्तुत गरे।

२०७२ असोज ३ गते संविधान सभाले नयाँ संविधान जारी गरेको यस दिनलाई राष्ट्रिय दिवस अर्थात् संविधान दिवसका रूपमा मनाउने गरिन्छ। यसपटक भने नेपाल सरकारले तीन दिनसम्म घरघरमा दिपावली सहित भव्यताका साथ संविधान दिवस मनाउन उर्दी नै जारी गरेको छ।

प्रकाशित : आश्विन २, २०७६ १८:२५
प्रतिक्रिया
पठाउनुहोस्

सरकारका प्रवक्ता भन्छन्- 'रहर लागेर संविधान संशोधन हुँदैन'

कान्तिपुर संवाददाता

काठमाडौँ — सरकारका प्रवक्ता एवं सञ्चार तथा सूचना प्रविधिमन्त्री गोकुल बाँस्कोटाले कसैको रहरले संविधान संशोधन नहुने बताएका छन् । मन्त्रिपरिषद्का निर्णयहरु सार्वजनिक गर्ने नियमित पत्रकार सम्मेलनमा बिहीबार मन्त्री बाँस्कोटाले उक्त कुरा बताएका हुन् । 


'औचित्य र आवश्यकताको आधारमा मात्र संविधान संशोधन हुन्छ। कसैलाई रहर लाग्दैमा संशोधन हुँदैन,' उनले भने,'संशोधन केका लागि हो? कसको अधिकार संविधानले रोक्यो? पुष्टि हुनुपरो नि ! यत्तिकै संशोधन हुँदैन। '

उनले कसका लागि कुन धारा किन संशोधन गर्नुपरो भन्दै पुष्टि गर्न चुनौती दिए। उनले प्रश्न गर्दै भने,'संविधान लेखियो। संशोधन केका निम्ति हो? कसलाई के अधिकार पुगेन? '

उलने संविधान रामायण, कुरान, बाइबल, पुराण जस्तो अपरिवर्तनीय नभएकोबताउँदैआवश्यकता र औचित्यका आधारमा संशोधन हुने बताए।

प्रकाशित : आश्विन २, २०७६ १७:३६
पूरा पढ्नुहोस्
प्रतिक्रिया
पठाउनुहोस्