अफगानिस्तानमा ४१ लडाकुद्वारा आत्मसमर्पण

‘स्थानीय नेता र जिल्लाका प्रहरीको पहलमा तखार प्रान्तको वार्साज जिल्लामा लडाकुहरुले सरकारी सुरक्षाकर्मीसमक्ष आत्मसमर्पण गरेका हुन्,’ मन्त्रालयद्वारा जारी वक्तव्यमा उल्लेख छ ।

लडाकुले आफूहरुसँग रहेका हातहतियार पनि सुरक्षा अधिकारीलाई बुझाएका जारी वक्तव्यमा जनाइएको छ । आत्मसर्मपण गरेका तालिवान लडाकु छिमेकी प्रान्त बादख्सानको कुरान वा मुन्जान जिल्लामा पनि सक्रिय रहेका थिए ।

अफगानिस्तान सरकारले सन् २०१० देखि नै तालिवान लडाकुका लागि शान्ति तथा पुनर्स्थापना प्रक्रिया सुरु गरेको थियो । अधिकारीका अनुसार हालसम्म १० हजारभन्दा बढी तालिवान लडाकु शान्ति तथा पुनर्स्थापना प्रक्रियामा सहभागी भइसकेका छन् ।

सेप्टेम्बर सुरुमा करिब कुनार प्रान्तका १ सय ५० तालिवान लडाकु तथा इस्लामिक स्टेट (आईएस) लडाकुले पनि आत्मसमर्पण गरेका थिए ।