ड्रोन आक्रमणबाट साउदी अरबको तेल प्रशोधन केन्द्रमा आगलागी- विश्व - कान्तिपुर समाचार
कान्तिपुर वेबसाईट
AdvertisementAdvertisement

ड्रोन आक्रमणबाट साउदी अरबको तेल प्रशोधन केन्द्रमा आगलागी

सिन्ह्वा

रियाद — शनिबार बिहान सबेरै साउदी अरबका दुई मुख्य तेल प्रशोधनस्थलमा ड्रोन आक्रमणको कारण आगलागी भएको स्थानीय सञ्चार माध्यमले जानकारी दिएका छन् । 

राजधानी रियादबाट करिब ३ सय ३० किलोमिटर उत्तरपूर्वमा पर्ने अबकाइब र खुराइजमा रहेका विशाल तेल प्रशोधनस्थलमा ड्रोन आक्रमणपछि आगलागी भएको हो ।


सरकारी समाचारमाध्यमहरूका अनुसार ती दुवै आगलागी नियन्त्रणमा आइसकेका छन् । आक्रमणको कुनै पनि समूहले जिम्मा लिएको छैन । तर विगतमा भएका यस्ता आक्रमणका लागि इरान निकट यमनका विद्रोही हुथी समूहमाथि आरोप लगाउने गरेको थियो ।


स्थानीय समयानुसार बिहान ४ बजे सुरक्षा टोलीहरूले दुई तेल स्थलहरुमा आगो निभाउने प्रयास सुरु गरेका सरकारी साउदी प्रेस एजेन्सीले जनाएको छ ।

प्रकाशित : भाद्र २८, २०७६ १४:४२
प्रतिक्रिया
पठाउनुहोस्

उत्तर कोरियाको क्षेप्यास्त्र परीक्षण : दक्षिण कोरियाली दूत चीन जाने

सिन्ह्वा

सोल — उत्तर कोरियाले दुईवटा क्षेप्यास्त्र परीक्षण गरेको समाचार सार्वजनिक भएको भोलिपल्ट दक्षिण कोरियाली आणविक दूत चीन भ्रमणमा जाने भएको छ । 

आणविक दूतले चीन भ्रमण गर्ने दक्षिण कोरियाली विदेश मन्त्रालयले बुधबार जनाएको हो । मन्त्रालयका अनुसार कोरियाली प्रायःद्वीपका लागि दक्षिण कोरियाली उच्च आणविक दूत ली दु हुनले यसै साता चीनको भ्रमण गर्ने भएका हुन् ।

कोरियाली द्वीपको शान्ति र सुरक्षासम्बन्धी दूत हुनले बिहीबार चीन भ्रमण गर्ने र चीनका उपमन्त्री लुओ चाओइसँग भेटवार्ता गर्ने कार्यक्रम छ । अमेरिकासँग उत्तर कोरियाले हालै मात्र वार्ताका लागि आह्वान गरेको थियो । त्यस लगत्तै उत्तरले मंगलबार मात्र समुद्री तटतर्फ छोटो दूरीका हतियार नै प्रहार गरेको समाचार आएको छ ।

दक्षिण कोरियाली विदेश मन्त्रालयले बुधबार दिएको जानकारीअनुसार उक्त भेटका क्रममा द्विपक्षीय हितका विभिन्न विषयका साथै कोरियाली द्वीपमा हालै विकसित परिस्थितिका बारेमा कुराकानी हुने छ । उत्तर कोरियाका पहिलो उपविदेशमन्त्री चो सन हुईले उत्तर कोरिया अमेरिकासँग आगामी सेप्टेम्बर महिनामा वार्तामा बस्न इच्छुक रहेको जानकारी विज्ञप्तिमार्फत् दिएका छन् ।

अमेरिकासँग वार्तामा बस्न आफू इच्छुक रहेको तर वार्ताका लागि दिन भने निश्चित नभएको उनले बताए । उनका अनुसार गत महिना उनी दक्षिण कोरिया भ्रमणमा गएका थिए । त्यस क्रममा उनले अमेरिका उत्तर कोरियासँग कोरियाली द्वीपका विषयमा कुराकानी गर्न चाहेको बताएका थिए ।

प्रकाशित : भाद्र २६, २०७६ ०९:५८
पूरा पढ्नुहोस्
प्रतिक्रिया
पठाउनुहोस्
×