उत्तर कोरियाको क्षेप्यास्त्र परीक्षण : दक्षिण कोरियाली दूत चीन जाने

आणविक दूतले चीन भ्रमण गर्ने दक्षिण कोरियाली विदेश मन्त्रालयले बुधबार जनाएको हो । मन्त्रालयका अनुसार कोरियाली प्रायःद्वीपका लागि दक्षिण कोरियाली उच्च आणविक दूत ली दु हुनले यसै साता चीनको भ्रमण गर्ने भएका हुन् ।

कोरियाली द्वीपको शान्ति र सुरक्षासम्बन्धी दूत हुनले बिहीबार चीन भ्रमण गर्ने र चीनका उपमन्त्री लुओ चाओइसँग भेटवार्ता गर्ने कार्यक्रम छ । अमेरिकासँग उत्तर कोरियाले हालै मात्र वार्ताका लागि आह्वान गरेको थियो । त्यस लगत्तै उत्तरले मंगलबार मात्र समुद्री तटतर्फ छोटो दूरीका हतियार नै प्रहार गरेको समाचार आएको छ ।

दक्षिण कोरियाली विदेश मन्त्रालयले बुधबार दिएको जानकारीअनुसार उक्त भेटका क्रममा द्विपक्षीय हितका विभिन्न विषयका साथै कोरियाली द्वीपमा हालै विकसित परिस्थितिका बारेमा कुराकानी हुने छ । उत्तर कोरियाका पहिलो उपविदेशमन्त्री चो सन हुईले उत्तर कोरिया अमेरिकासँग आगामी सेप्टेम्बर महिनामा वार्तामा बस्न इच्छुक रहेको जानकारी विज्ञप्तिमार्फत् दिएका छन् ।

अमेरिकासँग वार्तामा बस्न आफू इच्छुक रहेको तर वार्ताका लागि दिन भने निश्चित नभएको उनले बताए । उनका अनुसार गत महिना उनी दक्षिण कोरिया भ्रमणमा गएका थिए । त्यस क्रममा उनले अमेरिका उत्तर कोरियासँग कोरियाली द्वीपका विषयमा कुराकानी गर्न चाहेको बताएका थिए ।