जापानकी पूर्वमहारानीको स्तन क्यान्सरको शल्यक्रिया
टोकियो — जापानका पूर्व महारानी मिचिकोलाई पहिलो स्टेजको स्तन क्यान्सर भएको देखिएपछि उनको शल्यक्रिया गरिएको छ । आइतबार ८४ वर्षीया महारानीको टोकियो अस्पतालमा बायाँ स्तनको शल्यक्रिया गरिएको हो । मिचिकोका पति अकिहितोले गत अप्रिलमा औपचारिक रुपमा राज्यसत्ता त्याग गरेका थिए ।
शल्यक्रिया गर्नका लागि उनी शनिबार अस्पताल भर्ना भएकी थिइन् । शल्यक्रिया गर्नुअघि पूर्वराजा अकिहितो र उनकी छोरी सायाको कुरोदाले मिचिकोलाई अस्पतालमै भेटेका थिए ।
छोरी सायाकोले एक सर्वसाधारणसँग विवाह गरेपछि उनको राजकुमारीको पदवी खोसिएको थियो ।
जापानका पूर्वराजा अकिहितो र पूर्वरानी मिचिकोले विश्वमा परम्परागत राजतन्त्रलाई नाटकीय रुपमा आधुनिकीकरण गरेको मानिन्छ ।
प्रतिक्रिया