क्यालिफोर्नियामा डुङ्गामा आगलागी हुँदा २५ को मृत्यु

रासस/सिन्ह्वा

लस एन्जेलस — दक्षिण क्यालिफोर्नियाको सान्टा क्रुज द्वीपमा डुङ्गामा एक्कासी आगलागी हुँदा २५ जनाको मृत्यु भएको छ । दुर्घटनामा अन्य ९ व्यक्ति बेपत्ता भएका स्थानीय सञ्चारमाध्यमले जनाएका छन् । दुर्घटनामा ५ जनालाई जीवितै उद्धार गरिएको छ । 

क्यालिफोर्नियाको तटीय क्षेत्रमा सोमबार मध्यरात दुर्घटना भएको हो ।

बेपत्ता व्यक्तिहरुको खोजी जारी रहेको प्रहरीले जानकारी दिएको छ । स्थानीय समयानुसार सोमबार बिहान ३:१५ बजे दुर्घटना भएको तटीय गार्डका क्याप्टेन मोनिका रोचेस्टरले बताएका छन् । डुङ्गामा ३९ व्यक्ति सवार रहेका पनि मोनिकाले बताए ।

प्रकाशित : भाद्र १७, २०७६ १३:०६
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

महाकाली किनारमा रौनक [तस्बिरहरु]

भवानी भट्ट

कञ्चनपुर — महाकाली नदीमा स्नान गर्न कञ्चनपुरसँगै कैलालीबाट महिलाहरु आउने गरेका छन् । महिलाहरु ट्रयाक्टर तथा अन्य सवारी साधनमा गीत बजाउँदै नाच्दै नदीतर्फ गईरहेका र फर्किरहेका छन् । तीज गीत र नृत्यले महाकाली किनारमै बेग्लै रौनकता आएको छ ।

ऋषिपञ्चमीको स्नानका लागि बनबसा पुलसम्मै सवारी साधन सञ्चालन गरिएका छन् । गड्डाचौकीदेखि महाकाली किनारसम्म श्रद्धालु महिलाहरुको भीडले आउजाउ गर्नसमेत समस्या भइरहेको छ ।


प्रकाशित : भाद्र १७, २०७६ १२:५७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
×