अन्तरिक्षमा ह्युमनोइड रोबोट 

‘ढिला भएकोमा माफी चाहन्छु । ट्राफिकमा फसें । म काम सुरू गर्न तयार छु ।’
एएफपी

मस्को — रूसले पहिलो मानवाकृत (ह्युमनोइड) रोबोट सफलतापूर्वक अन्तर्राष्ट्रिय अन्तरिक्ष केन्द्रमा स्थापना गरेको छ । ‘फेदोर’ रोबोट मंगलबार आईएसएसमा स्थापित गरिएको अमेरिकी अन्तरिक्ष केन्द्र नासाले पनि पुष्टि गरेको छ ।

ZenTravel

रूसको यो अभियान गतसाता असफल भएको थियो । मानव शरीर बराबरको फेदो मानिसझैं हिँडडुल गर्न तथा सामान ओसारपसार गर्न सक्छ ।

Meroghar

‘ढिला भएकोमा माफी चाहन्छु । ट्राफिकमा फसें । म काम सुरु गर्न तयार छु,’ रसिक शैलीमा गरिएको रोबोटको टीटरमा लेखिएको छ । रूसी सञ्चारमाध्यमका अनुसार अन्तरिक्ष वैज्ञानिकहरूको काम सघाउने फेदोर अन्तरिक्षमा सेप्टेबर ७ सम्म रहने छ ।

रोबोट फेदोरले गत बिहीबार अन्तरक्षि सोयुज यानमा रहेको कमान्डरको सिटमा बसेर अन्तरिक्ष केन्द्रका लागि उडेको हो । ‘अब जाऔं । अब जाऔं,’ प्रक्षेपणको समयमा फेदोरले पहिलो अन्तरिक्ष यात्री युरी गाग्रिन शैलीमा भनेको थियो । यान दक्षिणी कजाकस्तानबाट प्रक्षेपण गरिएको थियो ।

नासाका एक टिप्पणीकर्ताले भने, ‘सम्पर्क स्थापित भएको छ, रोबोट अन्तरिक्ष केन्द्रमा जोडिएको छ । रूसी अन्तरिक्ष केन्द्र रोसकोसमोसले पनि मानवविहीन सोयुज एमएस–१४ यानको सहयोगमा उक्त रोबोट अन्तरिक्षमा पुर्‍याइएको जनाएको छ ।

अन्तरिक्ष अभियानको प्रत्यक्ष प्रसारण गरेको नासा टीभीका टिप्पणीकर्ताले अन्तरिक्ष केन्द्रमा अब ७ जना पुगेका बताए । यसअघि ६ वैज्ञानिक अन्तरिक्ष केन्द्रमा थिए । यसअघि सोयुज यानले मानिसलाई अन्तरिक्षमा पुर्‍याउने गरेको भए पनि यसपटक रोबोट लिएर गएको हो । यानमा ६७० किलोग्राम सुक्खा सामान पठाइएको छ । जसमा औषधि, उपकरण, खाना, र व्यक्तिगत सरसफाइका सामान छन् ।

अन्तरिक्ष यान प्रक्षेपण कार्यक्रम प्रमुख दिमित्री रोगोजिनले इन्टरफ्याक्स समाचार संस्थासँग कुरा गर्दै अर्को चरणको फेदोर ‘निर्माणाधीन रूसी कार्गो पानीजहाज वा अन्तरिक्षबाहिर गरिने अनुसन्धान कार्य परीक्षणमा’ प्रयोग गरिन सक्ने सम्भावना व्यक्त गरे ।
फेदोर अन्तरिक्षमा पठाइएको पहिलो रोबोट भने होइन । सन् २०११ मा नासाले जेनेरल मोटर्सको सहयोगमा बनाइएको ‘रोबोनट–२’ नामक रोबोट पठाएको थियो । उच्च जोखिमयुक्त स्थानमा काम गर्न प्रयोग गरिएको रोबोटमा प्राविधिक समस्या देखिएपछि सन् २०१८ मा पृथ्वीमा फर्काइएको थियो ।

सन् २०१३ मा जापानले पनि अन्तरिक्षयात्रीसँगै ‘किरोबो’ नामको सानो रोबोट पठाएको थियो । टोयोटाले बनाएको रोबोटले जापानी भाषामा संवाद संग्रहित गर्दथ्यो । सन् १९९८ देखि पृथ्वीको कक्षमा राखिएको अन्तर्राष्ट्रिय अन्तरिक्ष केन्द्रले प्रतिघण्टा २८ हजार किलोमिटरको गतिमा पृथ्वीलाई घुम्ने गर्दछ । अन्तर्राष्ट्रिय अन्तरिक्ष केन्द्र अमेरिका, रूस, जापान, क्यानडा तथा ११ युरोपेली देश (बेल्जियम, डेनमार्क, फ्रान्स, जर्मनी, इटाली, नेदरल्यान्डस, नर्वे, स्पेन, स्विडेन, स्विटजरल्यान्ड र बेलायत) को संयुक्त परियोजना हो ।

प्रकाशित : भाद्र ११, २०७६ ०८:२४
ADVERTISEMENT
प्रतिक्रिया
पठाउनुहोस्

'प्रतिबन्ध हटे अमेरिकासँग वार्ता’

एजेन्सी

तेहरान — इरानले अमेरिकासँग वार्ताका लागि आफ्नो देशविरुद्ध लगाइएका प्रतिबन्ध हटाउनुपर्ने पूर्वसर्त राखेको छ । ‘वार्ताका लागि पहिलो सर्त अमेरिकाले इरानविरुद्ध लगाएको निर्मम तथा गैरकानुनी प्रतिबन्ध हटाएर इरानीको अधिकारको सम्मान गर्नुपर्छ,’ इरानी राष्ट्रपति हसन रौहानीले मंगलबार गरेका टेलिभिजन सम्बोधनमा भनेका छन्, ‘हाम्रो व्यवहार परिवर्तन हुन अमेरिकाले विगतमा गरेका गलत निर्णयको पश्चातापबाट मात्र सम्भव छ ।’

इरानले अमेरिकासँग वार्ताका लागि आफ्नो देशविरुद्ध लगाइएका प्रतिबन्ध हटाउनुपर्ने पूर्वसर्त राखेको छ ।‘वार्ताका लागि पहिलो सर्त अमेरिकाले इरानविरुद्ध लगाएको निर्मम तथा गैरकानुनी प्रतिबन्ध हटाएर इरानीको अधिकारको सम्मान गर्नुपर्छ,’ इरानी राष्ट्रपति हसन रौहानीले मंगलबार गरेका टेलिभिजन सम्बोधनमा भनेका छन्, ‘हाम्रो व्यवहार परिवर्तन हुन अमेरिकाले विगतमा गरेका गलत निर्णयको पश्चातापबाट मात्र सम्भव छ ।’

रौहानीले अमेरिकाले सन् २०१५ को परमाणु सम्झौताबाट फिर्ता हुने गलत निर्णय सच्चाउन तयार भए मात्र दुई देशीय सम्बन्ध सुधारोन्मुख हुने बताए । उनले भने, ‘उनीहरूले विश्वको चाहना र सुरक्षालाई सम्मान गर्नुपर्छ र इरानको क्रान्ति र इरानीहरूको अधिकारलाई मान्यता दिनुपर्छ ।’

इरानी राष्ट्रपति रौहानीले राष्ट्रियताको पक्षमा गरिने कुनै पनि भेटवार्ताका लागि आफू तयार रहेको सोमबार बताएका थिए । यसैबीच, इरानी अधिकारीहरूले पनि अमेरिकासँगको वार्ताका लागि वासिङ्टन आणविक सम्झौताअनुरूप चल्नुपर्नेबताएका छन् ।

अमेरिकी राष्ट्रपति ट्रम्पले सन् २०१५ मा इरानसँग भएको बहुपक्षीय परमाणु सम्झौताबाट अलग भएको घोषणा गर्दै ‘तेहरानमाथि कडा आर्थिक प्रतिबन्ध’ लगाएपछि दुई देशबीच जारी तनाव चर्केको हो ।

प्रकाशित : भाद्र ११, २०७६ ०८:२३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×