'प्रतिबन्ध हटे अमेरिकासँग वार्ता’

एजेन्सी

तेहरान — इरानले अमेरिकासँग वार्ताका लागि आफ्नो देशविरुद्ध लगाइएका प्रतिबन्ध हटाउनुपर्ने पूर्वसर्त राखेको छ । ‘वार्ताका लागि पहिलो सर्त अमेरिकाले इरानविरुद्ध लगाएको निर्मम तथा गैरकानुनी प्रतिबन्ध हटाएर इरानीको अधिकारको सम्मान गर्नुपर्छ,’ इरानी राष्ट्रपति हसन रौहानीले मंगलबार गरेका टेलिभिजन सम्बोधनमा भनेका छन्, ‘हाम्रो व्यवहार परिवर्तन हुन अमेरिकाले विगतमा गरेका गलत निर्णयको पश्चातापबाट मात्र सम्भव छ ।’

इरानले अमेरिकासँग वार्ताका लागि आफ्नो देशविरुद्ध लगाइएका प्रतिबन्ध हटाउनुपर्ने पूर्वसर्त राखेको छ । ‘वार्ताका लागि पहिलो सर्त अमेरिकाले इरानविरुद्ध लगाएको निर्मम तथा गैरकानुनी प्रतिबन्ध हटाएर इरानीको अधिकारको सम्मान गर्नुपर्छ,’ इरानी राष्ट्रपति हसन रौहानीले मंगलबार गरेका टेलिभिजन सम्बोधनमा भनेका छन्, ‘हाम्रो व्यवहार परिवर्तन हुन अमेरिकाले विगतमा गरेका गलत निर्णयको पश्चातापबाट मात्र सम्भव छ ।’


रौहानीले अमेरिकाले सन् २०१५ को परमाणु सम्झौताबाट फिर्ता हुने गलत निर्णय सच्चाउन तयार भए मात्र दुई देशीय सम्बन्ध सुधारोन्मुख हुने बताए । उनले भने, ‘उनीहरूले विश्वको चाहना र सुरक्षालाई सम्मान गर्नुपर्छ र इरानको क्रान्ति र इरानीहरूको अधिकारलाई मान्यता दिनुपर्छ ।’


इरानी राष्ट्रपति रौहानीले राष्ट्रियताको पक्षमा गरिने कुनै पनि भेटवार्ताका लागि आफू तयार रहेको सोमबार बताएका थिए । यसैबीच, इरानी अधिकारीहरूले पनि अमेरिकासँगको वार्ताका लागि वासिङ्टन आणविक सम्झौताअनुरूप चल्नुपर्ने बताएका छन् ।


अमेरिकी राष्ट्रपति ट्रम्पले सन् २०१५ मा इरानसँग भएको बहुपक्षीय परमाणु सम्झौताबाट अलग भएको घोषणा गर्दै ‘तेहरानमाथि कडा आर्थिक प्रतिबन्ध’ लगाएपछि दुई देशबीच जारी तनाव चर्केको हो ।

प्रकाशित : भाद्र ११, २०७६ ०८:२३
प्रतिक्रिया
पठाउनुहोस्
ADVERTISEMENT

मानसिक रोगी ८ वर्षदेखि कोठामै

तृप्ति शाही

बैतडी — सडककै छेउमा एउटा सानो घर । पाँच जनाको परिवार । कमाउने उमेरका परिवारका दुई सदस्य वर्षौंदेखि कोठामा थुनिएर बसेका छन् ।

बैतडी सदरमुकाम शाही लेक बजारनजिकै दशरथचन्द–४ को तीरगाउँमा प्रेमराम तिरुवाका छोराहरू २२ वर्षीय रमेश र २६ वर्षीय प्रदीपलाई थुनेर राखिएको हो ।

दुवै थुनिएकै कोठामा खान्छन्, सुत्छन्, दिसापिसाब गर्छन् । मानसिक रोगी छोराहरूलाई तिरुवा परिवारले उपचारमा लैजान सकेको छैन । ‘मैले भारी बोकेर आउने ज्यालाले परिवार पालेको छु,’ ६० वर्षीय तिरुवा भन्छन्, ‘बिहान, बेलुका हातमुख जोर्न धौधौ छ । उपचार गर्ने पैसा छैन ।’ करिब आठ वर्षअघिबाट दुवैमा अनौठो समस्या आएको उनले बताए ।

‘जहाँ पायो त्यहाँ डुलिरहने, जे पायो त्यही खाने भएकाले थुनेर राखेको हो,’ उनले भने, ‘कहिलेकाहीँ भागेर बजारमा भौंतारिन्छन्, समातेर फर्काउन ठूलो सास्ती पर्छ ।’ बस्नलाई भएको झुप्रोबाहेक अरू सम्पत्ति नभएकाले उपचार गराउन आफ्नो क्षमता नभएको उनले बताए । ‘काम पाएका दिन चुलोमा आगो बल्छ, नपाएका दिन हामी सबै भोकै सुत्छौं,’ उनले भने, ‘उपचार गराउनेबारे सोचेर पनि सक्ने हैसियत भइदिएन ।’

तिरुवाका साइँला छोरा १८ वर्षीय सन्तोष काम गर्न भारत पसेका छन् । वृद्धवृद्धासँग अराउपराउ गर्न ८ वर्षीय कान्छा छोरा छन् । भोकै सुत्नुपर्दा मानसिक रोगी छोराहरूले केही नभने पनि कान्छा छोराले कुरा नबुझ्ने गुनासो उनले गरे ।

प्रकाशित : भाद्र ११, २०७६ ०८:१६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×