म्यानमारमा विद्रोही आक्रमणमा १४ मारिए

(एएफपी)

म्यानमार — म्यानमारका विद्रोही समूहले सुरक्षाकर्मी लक्षित आक्रमण गरेको छ । आक्रमणमा कम्तीमा १४ जनाको मृत्यु भएको छ । मृत्यु भएकाहरुमा ७ सैनिक र ४ प्रहरी रहेका छन् । प्रहरीका अनुसार विद्रोहीको आक्रमणको प्रतिवाद गर्ने क्रममा दोहोरो भिडन्त भएको थियो । 

सैनिक प्रतिष्ठानमा रहेका सुरक्षाकर्मीहरुलाई विद्रोहीहरुले लगातार आक्रमण गर्दै आएका छन् । म्यान्मारमा आदिवासी जनजातिहरूको विद्रोही समूहले दशकयता सुरक्षाकर्मीविरुद्ध गर्दै आएको आक्रमणको यो पछिल्लो शृंखला हो । पछिल्लो आक्रमण पर्यटकीय क्षेत्र मण्डालेयनजिकै भएको छ । सैन्य प्रवक्ता जाव मिन तुनले भने ३ जनाको मृत्यु भएकोमा २ जना सैनिक र १ जना सर्वसाधारणको रहेको बताएका छन् ।

प्रकाशित : श्रावण ३१, २०७६ २२:००
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

जापानमा गर्मीले २३ जनाको मृत्यु

(एएफपी)

टोकियो, जापान — जापानमा अत्यधिक गर्मीका २३ जनाको मृत्यु भएको छ । १३ हजार जति बिरामी भएको अग्नि तथा प्रकोप व्यवस्थापन कार्यालयले बुधबार जनाएको छ । यो संख्या ५ अगस्टयताको हो । प्रकोप व्यवस्थापन कार्यालयका अनुसार प्रचण्ड गर्मीका कारण १३ हजार जना बिरामी भएका छन् ।

अस्पतालमा गर्मीजन्य रोगको उपचार गराउन भीड लागेको छ । अपस्ताल पुगेकाहरुमध्ये चार सय जना भर्ना भएका छन् । गर्मीले सबैभन्दा बढी राजधानी टोकियोवासी रहेको अधिकारीहरुले जनाएका छन् ।

टोकियोमा मात्रै १४ सय ६५ जना अस्पताल पुगेका थिए भने सैतामाका ९ सय ७७ जना बिरामी थिए । अस्पतालमा उपचार गराउन पुगेका बिरामीमध्ये ५५ प्रतिशतभन्दा बढी ६५ वर्षभन्दा बढी उमेरका रहेको अस्पतालले जनाएको छ । जापानी मौसम विज्ञान विभागका अनुसार यो वर्षकै सबैभन्दा धेरै गर्मी बुधबार महसुस गरिएको छ । यो वर्ष धेरै गर्मी भएको स्थानमा तापक्रम ४०.३ सेल्सिय पुगेको छ ।

प्रकाशित : श्रावण २९, २०७६ २१:०९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT