एलओसीमा भारतीय र पाकिस्तानी सेनाबीच गोली हानाहान, ८ को मृत्यु

अल जजिरा

काठमाडौँ — कश्मीरसँगको नियन्त्रण रेखामा भारतीय सेनासँग गोली हानाहान हुँदा ३ पाकिस्तानी र ५ भारतीय सैनिकको मृत्यु भएको पाकिस्तानी सेनाले जनाएको छ ।

पाकिस्तानी सेनाका प्रवक्ता मेजर जनरल असिफ गफुरले बिहीबार ट्विट गर्दै यसबारे जानकारी दिएका हुन्। उनले लाइन अफ कन्ट्रोल (एलओसी) मा भारतीय सेनाले गोली हानेको बताएका छन्। प्रवक्ता गफुरले जम्मु कश्मीरबाट ध्यान अन्तै मोड्न भारतीय सेनाले गोलीबारी गरेको दाबी गरेका छन्।

एलओसीमा दुवै मुलुकका सैनिकहरुले गोली हानाहान गरिरेहका छन्।पाकिस्तानीको यो दाबीलाई भारतीय समाचार संस्था (एएनआई)ले अस्वीकार गर्दै कुनै पनि भारतीय सेनाको मृत्यु नभएको बताएको छ।

अलजजिराले भने पाकिस्तान नियन्त्रित कश्मीरमा बिहीबार दुई जना सर्वसाधारण मारिएको उल्लेख गरेको छ।

प्रकाशित : श्रावण ३०, २०७६ २०:२७
प्रतिक्रिया
पठाउनुहोस्

प्रहरी कुट्ने नेता पक्राउ

कान्तिपुर संवाददाता

मोरङ — समाजवादी पार्टी मोरङका नेता उमेश यादवलाई प्रहरीले पक्राउ गरेको छ । ड्युटीमा खटिएका प्रहरीलाई मादक पदार्थ सेवन गरी हातपात गरेको आरोपमा यादवलाई हिरासतमा राखेर अनुसन्धान थालिएको प्रहरीले जनाएको छ । यादव गत स्थानीय निर्वाचनमा विराटनगर महानगरपालिका प्रमुखका उम्मेदवारसमेत थिए ।

यादवलाई मंगलबार राति मोटरसाइकलमा घर जाने क्रममा रोडशेष चोकमा प्रहरीले रोकेका थिए । प्रहरी जवान श्यामकुमार चौधरीले मादक पदार्थ सेवन गरी सवारी चलाउन नपाउने भनेपछि यादवले हातपात गरेको प्रहरीले जनाएको छ । त्यसपछि नियन्त्रणमा लिएर जिल्ला प्रहरी कार्यालयले सोधपुछ गरेको थियो ।

प्रहरीले बुधबार जिल्ला प्रशासन कार्यालय मोरङबाट ७ दिनको म्याद थप गरी अभद्र व्यवहार मुद्दामा अनुसन्धान गरिरहेको छ ।

यादव पक्राउ परेपछि जिल्लाका सत्ता पक्षधर सांसद तथा नेताहरूले छाड्न प्रहरीलाई दबाब दिइरहेको स्रोतले जनाएको छ । प्रहरी उपरीक्षक विश्व अधिकारीले छानबिन सकिएपछि जिल्ला प्रशासनमा बुझाउने बताए ।

प्रकाशित : श्रावण ३०, २०७६ २०:०६
पूरा पढ्नुहोस्
प्रतिक्रिया
पठाउनुहोस्