जापनको एक एनिमेसन स्टुडियोमा आगजनी, ३३ को मृत्यु

एजेन्सी

वासिङ्टन — जापानको क्योटोस्थित एनिमेसन स्टुडियोमा गरिएको आगजनीमा कम्तीमा ३३ जनाको मृत्यु भएको छ । २९ घाइते छन् । मृतकमध्ये अधिकांश उक्त कम्पनीका कर्मचारी हुन् । 

जापानी प्रसारण संस्था एनएचकेका अनुसार केही मानिस हराइरहेका छन् । स्थानीय अस्पतालमा उपचाररत घाइतेमध्ये केहीको अवस्था चिन्ताजनक रहेको अधिकारीले जनाएका छन् । घाइतेमा श्वासप्रश्वासको समस्या देखिएको अग्नि नियन्त्रण विभागका अधिकारीले जनाएका छन् ।

स्थानीय सञ्चारमाध्यमले प्रहरीलाई उद्धृत गर्दै एक पुरुष बिहीबार बिहान ‘क्योटो एनिमेसन’ स्टुडियोमा प्रवेश गरेर आगजनी गरेका हुन् । आगजनीका समय उक्त भवनमा करिब ७० जना थिए । भुइँतला र पहिलो तलाका १२ जनालाई गम्भीर अवस्थामा उद्धार गरिएको हो । दोस्रो तलाका मानिस भने आगलागीपछि बाहिर निक्सन असफल सकेनन् ।

एनिमेसन स्टुडियो रहेको ३ तले भवनमा स्थानीय समयानुसार बिहान १० बजेर ३० मिनेटमा आगजनी गरिएको हो । ‘एक व्यक्तिले तरल पदार्थ छर्केर स्टुडियो भनवमा आगो लगाएको’ क्योटो प्रहरी प्रवक्ताले बताए । एनएचकेका अनुसार ती व्यक्तिले आगो लगाउँदै ‘अब तिमीहरू सबै मर’ भनेका थिए । एनएचकेले प्रत्यक्षदर्शीलाई उद्धृत गर्दै ‘आगलागी फैलिएलगत्तै ठूलो विस्फोटन सुनिएको’ जनाएको छ । प्रत्यक्षदर्शीका अनुसार ‘आगोले जलेका मानिसलाई एम्बुलेन्सतर्फ दौडाइएको’ थियो ।

प्रहरीले ४१ वर्षीय सन्दिग्धलाई पक्राउ गरिएको जनाए छ । घाइते अवस्थामा पक्राउ परेका उनको अस्पतालमा उपचार भइरहेको छ । उनको थप परिचय सार्वजनिक गरिएको छैन । प्रहरीले घटनास्थलबाट चक्कु बरामद भएको जनाएको छ । प्रहरीले योजनाबद्ध रूपमा स्टुडियोमा आक्रमण गरिएको जनाएको छ ।

सन्दिग्ध व्यक्तिको स्टुडियोसँग के सम्बन्ध थियो भन्नेबारे अनुसन्धान भइरहेको प्रहरीले जनाएको छ । जापानी प्रधानमन्त्री सिन्जो अबेले ‘निकै दुःखदायी घटना भएको’ बताउँदै समवेदना प्रकट गरेका छन् ।

सन् १९८१ मा स्थापित क्योटो एनिमेसनले निर्माण गरेका ना भएको थियो । ‘के–अन’ र ‘द मेलन्कली अफ हारूही सुजुमिया’ जापानमा निकै लोकप्रिय छन् । एनिमेसन स्टुडियोमा आगजनीको समाचार सार्वजनिक भएसँगै प्रशंसकहरूले सामाजिक सञ्जालमा घटनाबारे दुःख व्यक्त गरेका छन् ।

प्रकाशित : श्रावण २, २०७६ १५:०७
प्रतिक्रिया
पठाउनुहोस्

बाढीपहिरोमा ९० को मृत्यु, २९ बेपत्ता [सूचीसहित]

रासस

काठमाडौँ — वर्षासँगै आएको बाढीपहिरो र डुबानमा परेर अहिलेसम्म ९० जनाको मृत्यु भएको गृह मन्त्रालयको राष्ट्रिय आपत्कालीन कार्य सञ्चालन केन्द्रले जनाएको छ । विपद्मा परेर अहिलेसम्म २९ हराइरहेका र ४१ घाइते भएको केन्द्रका प्रमुख वेदनिधि खनालले जानकारी दिए । 

खाडो नदीको बाढीका कारण डुबानमा परेको सप्तरीको तिलाठी कोइलाडी गाउँपालिका कार्यालय रहेको पाठशाला मैदान । तस्बिर : अवधेशकुमार/कान्तिपुर

उनका अनुसार झण्डै १२ हजार घर धुरी विस्थापित भएकाले उनीहरुलाई अस्थायी आश्रयस्थलमा राखिएको छ। विपद्मा परेर सबैभन्दा बढी रौतहटमा मात्रै १० जनाले ज्यान गुमाएका छन्। ललितपुर-६
सिराहा-६
मोरङ-५
भोजपुर-५
धनुषा-५
मकवानपुर-५
सिन्धुली-५
ओखलढुंगा-४
होत्तरी-४
डोल्पा-४
झापा-३
खोटाङ-३
पर्सा-३
काभ्रेपलाञ्चोक-३
काठमाडौँमा-३
सुनसरी-२
बारा-२
धादिङ-२
दाङ-२
इलाम-१
पाँचथर-१
संखुवासभा-१
उदयपुर-१
सर्लाही-१
रामेछाप-१
पाल्पा-१
कपिलवस्तुमा-१
बेपत्ता हुनेमा सबैभन्दा बढी डोल्पामा ७, इलाम, मोरङ र सिन्धुलीमा ३/३ जना छन्।


अहिलेसम्म सर्लाहीमा दुई हजार ४००, रौतहटमा एक हजार ११०, बारामा एक हजार ६६५, पर्सामा १२०, सिराहामा ५००, मोरङमा एक हजार ५३९ लगायत विभिन्न जिल्लामा गरेर झण्डै १० हजार घर विस्थापित भएको केन्द्रले जनाएको छ।

अहिले राहत वितरण र भौतिक संरचना पुनःनिर्माणको काम तीव्ररुपमा अघि बढिरहेको र अवरुद्ध राजमार्ग खुलाउने प्रयाससमेत जारी रहेको गृहमन्त्रालयले जनाएको छ। मन्त्रालयले वर्षा घटेकाले जनजीवन सामान्य हुँदै गएको जानकारी दिएको छ।

प्रकाशित : श्रावण २, २०७६ १४:२३
पूरा पढ्नुहोस्
प्रतिक्रिया
पठाउनुहोस्