ब्रिटिस एअरवेजलाई २२ करोड जरिवाना
लन्डन — बेलायती विमान कम्पनी ब्रिटिस एअरवेजलाई लाखौं यात्रुको डाटा चोरीमा दोषी ठहर गर्दै करोडौं डलर जरिवाना गरिएको छ ।
‘इन्टरनेसनल एअरलाइन्स ग्रुप’ (आईएजी) द्वारा सञ्चालित एअरवेजलाई २२ करोड ९० लाख ७० हजार अमेरिकी डलर जरिवाना गरिएको हो ।
आईएजीद्वारा जारी विज्ञप्तिमा भनिएको छ, ‘बेलायतको तथ्यांक संरक्षण ऐनअनुसार बेलायती सूचना आयोगको कार्यालयले ब्रिटिस एअरवेजलाई कुल १८ करोड ३० लाख ३९ हजार पाउन्ड स्टर्लिङको जरिवाना गरेको छ ।’
प्रकाशित : असार २४, २०७६ १०:०४