‘अस्ट्रेलियालीले जासुसी गरे’
सोल — उत्तर कोरियाले दस दिनसम्म आफ्नो नियन्त्रणमा रहेका अस्ट्रेलियाली नागरिकले जासुसी गरेको दाबी गरेको छ ।
२९ वर्षीय अलेक सिंगलले जुनको अन्तिम साताबाट बेपत्ता भएका थिए । स्विडेनी अधिकारीले प्योङयाङमा उत्तर कोरिया सरकारका प्रतिनिधिलाई भेटेपछि उनलाई रिहा गरिएको थियो । कोरियाली अधिकारीले ‘सिंगलेले जासुसी गरेको स्विकारेका’ दाबी गरेका छन् । उत्तर कोरियाको किम इल सुङ विश्वविद्यालयमा स्नातकोत्तर सिंगले पर्यटन व्यवसायमा पनि आबद्ध थिए ।