ताजकिस्तानको एक जेलमा ३२ को मृत्यु

एएफपी

डुशान्बे — ताजकिस्तानको एक जेलमा भएको भिडन्तमा परी कम्तीमा ३२ जनाको मृत्यु भएको छ । मारिएकाहरु मध्ये २४ जना इस्लामिक स्टेट्स आतंककारी समूहका सदस्य र तीन जना सुरक्षा गार्ड रहेका अधिकारीहरुले सोमबार जानकारी दिएका छन् । 

ताजकिस्तानको राजधानी डुशान्बे नजिकै रहेको उक्तकारगारामा आइतबार साँझ आईएस आतंककारी समूहले सुरु गरेको झडपमा पाँच कैदी, तीन गार्ड र २४ जना आईएस आतंककारी मारिएका यहाँको न्याय मन्त्रालयद्वारा जारी विज्ञप्तिमा जनाइएको छ।

यस घटनाको अनुसन्धान जारी रहेको बताइएको छ।

प्रकाशित : जेष्ठ ६, २०७६ १५:४७
प्रतिक्रिया
पठाउनुहोस्

यसरी लुटियो इमाडोलको मनि ट्रान्सफर

जनकराज सापकोटा

ललितपुर — घटना जेठ तीन गतेको हो । इमाडोलमा कार्यलय रहेको मनी ट्रान्सफरको कारोवार गर्ने असल इन्भेष्टमेन्ट प्रालिका सञ्चालक सुरेशराज शर्मा सटर खोलेर भित्र मात्रै के छिरेका थिए, दुई युवा पनि पछिपछि छिरिहाले ।

दुई मध्ये एकको हातमा खुकुरी थियो । एकजनाले उनलाई सोफामा धकेलेर लडाए, खुट्टा र हात बाँधे अनि अर्कोले हातमा खुकुरी नचाउँदै झोला र ड्र्यरमा रहेका पैसा निकाले ।

पैसा निकालिसक्दा अर्का एकजनाले सुरेशको मुख र आँखामा समेत पट्टी बाध्न भ्याइसकेका थिए । कान्तिपुरलाई प्राप्त घटनाको सिसिटिभी फुटेज हेर्दा सुरेशलाई लडाएर पैसा निकालेपछि उनीहरु बाहिरिएको देखिन्छ ।

प्रहरीका अनुसार डकैत समूहले मनी ट्रान्सफरबाट एक लाख रुपैयाँ लुटेका छन् । महानगरीय प्रहरी वृत्त सातदोबाटोका डिएसपी गौतम मिश्रका अनुसार घटनामा संग्लनको खोजी जारी भइरहेको बताए । उनका अनुसार शंकास्पद केही पक्राउ गरेपनि उनीहरुको संग्लनता नखुलेका कारण छोडिएको छ । उनले भने, 'खोजी कार्य तीव्र पारेका छौं ।'

प्रकाशित : जेष्ठ ६, २०७६ १५:३५
पूरा पढ्नुहोस्
प्रतिक्रिया
पठाउनुहोस्