साढे १६ हजार अफगान शरणार्थी घर फर्के

पाकिस्तानबाट सरकारी कागजबिनाका ९ सय ६९ अफगान शरणार्थी अफगानिस्तान फर्किएका छन् । यो संख्या गत साताको तुलनामा वृद्धि भएको आईओएमले जारी गरेको विज्ञप्तिमा उल्लेख छ । अघिल्लो साता कागजात नभएका ८ सय ९५ शरणार्थी पाकिस्तानबाट अफगानिस्तान फर्किएका थिए ।

यस्तै, गत साता १५ हजार ६ सय ६४ जना अफगान शरणार्थी इरानबाट फर्किएका आईओएमले जनाएको छ । गत साता इरानबाट फर्किएका अफगान शरणार्थीको तुलनामा हालको यो संख्या १० प्रतिशतले वृद्धि भएको जारी विज्ञप्तिमा उल्लेख छ ।

हिंसात्मक द्वन्द्वका कारण अस्तव्यस्त रहेको अफगानिस्तानमा पाकिस्तान र इरानबाट जनवरी १ देखि हालसम्म ५ लाख ६१ हजार अफगान शरणार्थी घर फर्किएका छन् ।