अल्भी पाकिस्तानको नयाँ राष्ट्रपति
इस्लामाबाद — पाकिस्तानको नयाँ राष्ट्रपतिमा सत्तारूढ दल पाकिस्तान तेहरिक ए–इन्साफ (पीटीआई) का नेता अरिफुर रेहमान अल्भी निर्वाचित भएका छन् ।
पाकिस्तानको १३ औं राष्ट्रपतिमा निर्वाचित भएलगत्तै उनले ‘आफू दलको मात्र नभई समग्र राष्ट्रको राष्ट्रपति भएको’ प्रतिक्रिया दिएका छन् । उनले प्रधानमन्त्री इमरान खानलाई राष्ट्रपतिको उम्मेदवार बनाएकोमा धन्यवादसमेत दिए ।
निर्वाचन आयोगका अनुसार अल्भी ३ सय ५३ मतसहित निर्वाचित भएका हुन् । उनको निकटतम प्रतिद्वन्दी फजलुर रेहमानले १ सय ८५ मत प्राप्त गरे । त्यसैगरी १ सय २४ मत पाएका पाकिस्तान पिपुल्स पार्टीका अैतजाज अहसान तेस्रो स्थानमा रहे ।
प्रकाशित : भाद्र २०, २०७५ ०८:१९प्रतिक्रिया