चिनियाँ विदेशमन्त्री जापान पुगे
टोकियो — जापान भ्रमणका क्रममा आइतबार टोकियो पुगेका चिनियाँ विदेशमन्त्री वाङ यीले जापानी समकक्षीसँग भेटवार्ता गरेका छन् ।
जापानी विदेशमन्त्री तारो कोनोले ‘वाङको भ्रमण जापान र चीनबीचको सम्बन्ध सुदृढीकरणका लागि निकै महत्त्वपूर्ण भएको’ बताए ।
वाङले आफ्नो भ्रमणको उद्देश्य जापानको सन्देश र नीतिहरूको सकारात्मक जवाफ दिनु रहेको बताए । ‘हामीले हालैका दिनमा केही जटिल मुद्दाहरूको सामना गरिरहेका छौं ।’ वाङले भने, ‘तर जापानको प्रयाससँगै दुई देश मिलेर चीन–जापान सम्बन्धलाई विगतकै जस्तो बनाउन चाहन्छौं ।’