करोडको जागिर छोडेर 'आम आदमी'

तर शुक्रबार आम आदमी पार्टी (आप) मा संलग्न भएका ४० वर्षीय आदर्श केवल ठूलो कर्पोरेट क्षेत्रका कर्मचारीमात्रै नभई स्वतन्त्र भारतका दोस्रो प्रधानमन्त्री लालबहादुर शास्त्रीका नाति पनि हुन् । उनका पिता अनिल शास्त्री भने कांग्रेसका नेता हुन् ।
नयाँदिल्लीमा आपलाई कांग्रेसले सहयोग गरे पनि ऊ राजनीतिक प्रतिद्वन्द्वी भने कायमै छ । तर आपका लागि भने आदर्शको प्रवेश महत्त्वपूर्ण मानिएको छ । तर आदर्श आफैंले भने त्यसरी आपmनो भूमिका खोजेका छैनन् । उनले अमेरिकी कम्पनी एप्पलको जागिर छोडेका हुन् । उनी एप्पलको पश्चिम भारत प्रमुख थिए । 'मेरो राम्रो जागिर थियो तर मलाई अरविन्द केजरीवालको व्यक्तित्वले तान्यो र म आपमा जोडिन पुगें,' उनले भने । केजरीवाल आप अध्यक्ष हुन् । जसले शनिबार दिल्लीको रामलीला मैदानमा पद तथा गोपनीयताको शपथ लिए ।
मेट्रो रेल चढेर सामान्य नागरिक सरह मैदान पुगेका उनले आपmना सहयोगी र कार्यकर्तालाई घमण्ड नगर्न आह्वान गरेका छन् । उनले दिल्लीमा बिजुलीको भाउ आधा घटाउने दाबी गरेका छन् । यतिमात्रै होइन, उनी मुख्यमन्त्री भएपछि केही अघि बढेको ग्यासको मूल्य पनि घट्ने अनुमान गरिएको छ । मुख्यतया भ्रष्टाचारविरोधी अभियानबाट थालिएको उनको सार्वजनिक छविबाटै बनेको १ वर्ष पुरानो पार्टी दिल्लीमा दोस्रो ठूलो पार्टी भएपछि उनी मुख्यमन्त्री भएका हुन् । उनको पार्टीले ७० मध्ये २८ सिट ल्याएको छ । कांग्रेसले उनलाई बाहिरबाट सहयोग गर्ने भनेको छ ।
कांग्रेसमै रहेका आदर्शका पिताले उनको आप प्रवेशलाई सहज ढंगबाट लिएका छन् । आदर्शले पनि आपmना पितालाई कांग्रेस 'कल्चर' मा बस्न नसकिने बताउँदै आएका थिए । 'बुबाले यदि ठीक लाग्छ भने जाऊ भने,' आदर्शको प्रतिक्रिया थियो ।
तर अब पैसाका लागि के गर्नुहुन्छ त भन्ने प्रश्नमा ९ वषर्ीय जुम्ल्याहा सन्तानका पिता आदर्शले एक सानो टेलिकम कम्पनी खोल्ने र त्यसलाई आम्दानीको मुख्य स्रोत बनाउने बताए । आदर्श भने देशको जुनसुकै भागमा जुनसुकै काम गर्न तयार छन् । के उनी अब हुने लोकसभा चुनावमा भाग लिन्छन् त ? उनको भनाइ छ, 'पक्कै पनि ।'   

प्रकाशित : पुस १४, २०७० ०९:१२