थाई सरकारको निर्वाचन गराउने प्रतिबद्धता- विश्व - कान्तिपुर समाचार
कान्तिपुर वेबसाईट
AdvertisementAdvertisement

थाई सरकारको निर्वाचन गराउने प्रतिबद्धता

कान्तिपुर संवाददाता

बैंकक (एएफपी) — थाइल्यान्डमा आउँदो निर्वाचनमा सेना परिचालन गर्ने प्रधानमन्त्री यिंगलक सिनावात्राले संकेत दिएकी छन् । निर्वाचन आयोगले सुरक्षाको कारण स्थगित गर्न आग्रह गरेको थियो ।

प्रधानमन्त्री सिनावात्राले निर्वाचन आयोगको आग्रहलाई अस्वीकार गरेकी छन् । निर्वाचनविरोधी आन्दोलनका कारण बिहीबार दुईको ज्यान गएको छ । मारिनेमा एक प्रहरी पनि छन् ।
अरू १ सय ५० घाइते भएका छन् । विपक्षीहरूले निर्वाचनविरुद्धमा दिनहुँजसो प्रदर्शन गरिरहेका छन् । प्रधानमन्त्रीले निर्वाचनको प्रयोजनका लागि आवश्यक मात्रामा सेनाको प्रबन्ध गर्न निर्देशन दिने तयारी गरेकी छन् ।
उपप्रधानमन्त्री सुरापोङ टोभिछाकुलका अनुसार निर्वाचनका लागि दोस्रो चरणको उम्मेदवारी दर्ता गराउन सशस्त्र प्रहरी बललाई भनिसकिएको छ । निर्वाच्ानमै सुरक्षाका लागि सेनालाई निर्देशन दिइनेछ ।
सिनावात्राको सरकारले केही समययतादेखि देशमा व्यापक विरोधको सामना गरिरहेको छ । राजनीतिक शक्तिहरूमा अधिकांशले सरकारको समर्थन गरिरहेकोले सेना लगाएरै भए पनि निर्वाचन गर्ने तयारीमा सरकार छ ।
 

प्रकाशित : पुस १३, २०७० १०:४०
प्रतिक्रिया
पठाउनुहोस्

सरकारद्वारा मुसर्रफकी आमालाई स्वदेश फर्काउने प्रस्ताव

कान्तिपुर संवाददाता

इस्लामावाद (एजेन्सी) — पाकिस्तानी सरकारले शुक्रबार पूर्वराष्ट्रपति पर्वेज मुसर्रफकी बिरामी आमालाई स्वदेश फर्काउने प्रस्ताव राखेको छ । मुसर्रफमाथि अनेकौं फौजदारी मुद्दा चलेका छन् । उनलाई मुलुकबाहिर जान प्रतिबन्ध लगाइएको छ ।


पारमाणविक हतियार सम्पन्न पाकिस्तानमा सैनिक जनरल मुसर्रफको सन् १९९९ देखि २००८ सम्मको शासनकालका अनेकौं आरोपमा सुनुवाइ भइरहेको छ । उनीमाथि देशद्रोह तथा पूर्वप्रधानमन्त्री बेनजिर भुट्टोको हत्यामा संलग्न रहेको आरोप छ ।
मुसर्रफमाथि फौजदारी अभियोगका कारण सरकार तथा शक्तिशाली सेनाबीच द्वन्द्व हुन सक्ने शंका गरिएको छ । यस्तो द्वन्द्व हुन नदिन मुसर्रफलाई उमेर ढल्केकी तथा बिरामी आमासँग भेट गर्न मुलुकबाहिर दुबईमा मानवीय कारणले जान दिइनुपर्ने सल्लाह दिइएको छ । मुसर्रफका कानुनी समूहले उनलाई स्वदेशबाहिर जान दिन अनुमति प्राप्त गर्न प्रयास गरेका थिए ।
सरकारले मुसर्रफको भाग्यको विषयमा न्यायाधीशहरूले निर्णय गर्नुपर्ने बताएको छ । उनी ९५ वषर्ीया आमालाई निरन्तर स्वास्थ्योपचारका लागि पाकिस्तान ल्याउन प्रस्ताव राखेको छ । सरकारको विज्ञप्तिमा मानवीय जिम्मेवारी पूरा गर्ने उद्देश्यले मुसर्रफकी आमालाई पाकिस्तान ल्याउन विशेष विमान वा एम्बुलेन्स पठाउन पाकिस्तानी प्रधानमन्त्री तयार रहेको भनिएको छ ।
देशद्रोहको आरोपमा मुसर्रफमाथिको सुनुवाइ बम आक्रमणको त्रासमा मंगलबार अगाडि बढ्न सकेन । यस विषयमा जनवरी १ मा सुनुवाइ हुने अनुमान गरिएको छ । मुसर्रफले सन् २००७ मा आपत्काल घोषणा गरेको विषयमा यी अभियोग लगाइएको हो र यस विषयमा उनी दोषी प्रमाणित भएमा  मृत्यदुण्ड वा आजीवन काराबास सजाय हुन सक्छ ।
उनको सहयोगी तथा कानुन व्यवसायीहरूले यो मुद्दा राजनीतिक कारणले अभिप्रेरित भएको र सरकार तथा अन्यले अदालतलाई आफ्नो पुरानो बदला लिन प्रयोग गर्न खोजेको आरोप लगाएका छन् । सन् १९९९ मा मुसर्रफले गरेको सैनिक विद्रोहमा हाल तेस्रोपटक प्रधानमन्त्री भएका प्रधानमन्त्री नवाज सरिफ पदच्यूत भएका थिए ।


 

प्रकाशित : पुस १३, २०७० १०:३६
पूरा पढ्नुहोस्
प्रतिक्रिया
पठाउनुहोस्
×