२५.१२°C काठमाडौं
काठमाडौंमा वायुको गुणस्तर: १५४

प्रहरी महानिरीक्षकलाई शुभकामना दिँदै गृहसचिवले भने– ‘प्रहरीमा सेटिङ छ भन्छन्, त्यसलाई कैंची लगाउनुहोला’

काठमाडौँ — गृहसचिव विनोदप्रकाश सिंहले नवनियुक्त प्रहरी महानिरीक्षक वसन्त कुँवरलाई प्रहरीमा रहेको ‘सेटिङ’ मा कैंची लगाउन शुभकामना दिएका छन् । आइतबार नवनियुक्त महानिरीक्षक कुँवरलाई गृहमन्त्रालयमा दर्ज्यानी चिह्न प्रदान गरेपछि बधाई तथा शुभकामना मन्तव्य राख्ने क्रममा गृहसचिव सिंहले नागरिकमा प्रहरीप्रतिको घट्दो विश्वासलाई बढाउन आग्रह गरे ।

प्रहरी महानिरीक्षकलाई शुभकामना दिँदै गृहसचिवले भने– ‘प्रहरीमा सेटिङ छ भन्छन्, त्यसलाई कैंची लगाउनुहोला’

‘प्रहरीमा सेटिङ हुन्छ भन्छन् । यदि सेटिङ छ भने त्यस्तो सेटिङलाई कैंची लगाएर चटक्कै काट्नुपर्छ, यसमा तपाईंको टिम सफल नै हुन्छ होला भन्ने लाग्छ । र अबका दिन यस्तो देख्न, सुन्न नपाइयोस् भन्ने चाहना हो,’ गृहसचिव सिंहले अघि भने, ‘अर्को कुरा, खरिद प्रक्रियामा पनि प्रश्न उठ्ने गरेको छ, अबका दिनमा त्यस्तो पनि हुने छैन भन्ने आशा छ ।’

उनले महानिरीक्षक कुँवरलाई आफ्नो कार्यकालमा प्रहरी संगठनको गुणात्मक सुधार गर्न र नागरिकमा सरकारप्रतिको भरोसा बढाउने गरी काम गर्न निर्देशन दिए ।

उनले प्रहरीमा जनशक्ति घट्दो रहेको अवस्थामा पनि बेला–बेलामा महत्त्वपूर्ण कार्य हुँदै आएको भन्दै प्रशंसा गरे । सचिव सिंहले प्रहरीमा आवश्यक सुधार र सुदृढिकरणका लागि सरकारले अब छिट्टै नयाँ प्रहरी ऐन ल्याउने तयारी रहेको बताए ।

प्रकाशित : चैत्र १२, २०७९ १३:४८
प्रतिक्रिया
पठाउनुहोस्
जनताको राय

पार्टी स्थापनाकालदेखि निरन्तर अध्यक्ष रहेका जसपा नेपालका उपेन्द्र यादव महाधिवेशनबाट फेरि आफैं नेतृत्वमा आएका छन् । पटक-पटक एउटै व्यक्ति नेतृत्वमा रहिरहनुलाई के भन्नुहुन्छ ?