देश परिर्वतन र जनतालाई समृद्धि बनाउने गठबन्धनको एजेन्डा : घर्ती- भिडियो - कान्तिपुर समाचार

देश परिर्वतन र जनतालाई समृद्धि बनाउने गठबन्धनको एजेन्डा : घर्ती

कान्तिपुर संवाददाता

काठमाडौँ — नेकपा (माओवादी केन्द्र)का नेता ओनसरी घर्तीले गठबन्धनले जनतालाई समृद्ध बनाउने बताएकी छन् । काठमाडौं निर्वाचन क्षेत्र नम्बर २ को घरदैलो कार्यक्रममा शुक्रबार नेता घर्तीले गठबन्धनले जनताका आधारभूत विषयलाई सहज बनाउने, देश परिर्वतन र जनतालाई समृद्धि बनाउने एजेन्डा लिएर आएकाले गठबन्धनको जित सुनिश्चित रहेको बताएकी हुन् ।

उनले अहिले देशले समृद्धि, शान्ति, स्थिर सरकार, संविधान र अहिलेको व्यवस्थाको रक्षा खोजेको भन्दै त्यो गठबन्धले मात्रै पूरा गर्नसक्ने बताइन् ।

उनले नेकपा एमालेका अध्यक्ष केपी शर्मा ओलीले आफ्नो बहुमतको सरकार फुटाएर तथा दुई पटक संसद् विघटन गरेकाले गठबन्धन गर्ने बाध्यता भएको पनि बताइन् । घर्तीले अहिलेको गठबन्धन प्रतिगमनको विरुद्धमा लागेकाले अहिलको व्यवस्था जोगाउन जनताले गठबन्धनलाई जिताउनुपर्ने आवश्यकता रहेको बताइन् ।

‘केपी ओलीले आफ्नो बहुमतको सरकार पार्टी फुटाएर जनताले दिएको पाँच वर्षको बहुमतको सरकारलाई संसद् विघटन गरी गठबन्धन गर्ने बाध्यता बनाउनुभएको हो । हामी प्रतिगमनको विरुद्धमा गठबन्धन गरी हाम्रो व्यवस्थालाई जोगाउँदै जनताको समृद्धि गर्ने पक्षमा लागेका छौं,' उनले भनिन्, 'सम्पूर्ण काठमाडौं क्षेत्र नम्बर २ का जनताले गठबन्धनलाई भोट हाल्नुस्, नत्र केपी ओलीको प्रतिगमनले जित्छ । ओलीले जिते सबै व्यवस्था अस्तब्यस्त हुन्छ ।'

प्रकाशित : कार्तिक २५, २०७९ १९:४९
प्रतिक्रिया
पठाउनुहोस्

सिनियर गर्ल्स बास्केटबलमा इनोभेटिभ विजयी

कान्तिपुर संवाददाता

काठमाडौँ — इनोभेटिभ आठौं रेडियन्ट कप अन्तरविद्यालय बास्केटबल प्रतियोगिताको सिनियर गर्ल्समा शुक्रबार क्वाटरफाइनल पुगेको छ । इनोभेटिभले लोक आदर्शलाई ६–२ स्कोरले पराजित गर्‍यो ।

इनोभेटिभकी पूजा थापाले ४ स्कोर गरिन् । गर्ल्समै दियाको ४ स्कोरमा न्यु भिजनले जेसेसलाई १६–४ ले हराउँदै क्वाटरफाइनल सुरक्षित गर्‍यो ।

जुनियर ब्वाइजमा भ्याली भ्यूले ओसिसलाई ९–२ ले हराएर क्वाटरफाइनल तय गर्‍यो । भ्यालीका रोहित शर्माले ४ स्कोर जोडे ।

सिनियर ब्वाइजमा पुष्पसदनले जुब्लियन्टलाई २६–१४, आयोजक रेडियन्ट पब्लिकले रेडियन्ट रिडर्सलाई ३८–१६, हार्टल्यान्डले हेम्सलाई ३६–२९ र जेनिथले द एक्सेल्सियरलाई ३६–७ स्कोरले हराएर प्रिक्वाटरफाइनलमा स्थान बनाए ।

पुष्पसदनका मिलन कुँवरले १३, रेडियन्ट पब्लिकका सुवास गौतमले १२, हार्टल्यान्डका प्रशान्त धामीले १५ र जेनिथका सुशील शाहीले १७ स्कोर गरेका थिए ।

प्रकाशित : कार्तिक २५, २०७९ १९:२७
पूरा पढ्नुहोस्
प्रतिक्रिया
पठाउनुहोस्
×