पश्चिम तराईमा अविरल वर्षाले जनजीवन प्रभावित

वर्षाका कारण नदी र खहरे खोलामा बाढी आएकाले होचो भूभाग डुबानमा पर्ने जोखिम देखिएको छ ।

जल तथा मौसम विज्ञान विभागका अनुसार शुक्रबार राति कर्णाली प्रदेश र सुदूरपश्चिम प्रदेशमा सामान्यदेखि पूर्ण बदली र बाँकी प्रदेशहरूमा आंशिकदेखि सामान्य बदली रहनेछ । कर्णाली र सुदूरपश्चिम प्रदेशहरूका धेरै र बाँकी प्रदेशका थोरै स्थानहरूमा मेघ गर्जन र चट्याङसहित हल्कादेखि मध्यम वर्षाको सम्भावना रहेको र कर्णाली र सुदूरपश्चिम प्रदेशका एक–दुई स्थानहरूमा भारी वर्षाको सम्भावना रहेको जनाएको छ ।

तीन दिनदेखि परेको निरन्तर वर्षाको कारण देशभरका विभिन्न सडकहरु अवरुद्ध हुँदा दसैं मनाउन गाउँ गएकाहरु सहर फर्किन पाएका छैनन् भने गाउँमै दसैंको टीका ग्रहण गर्न पनि आफन्तहरुकोमा जान सकेका छैनन् ।