राजनीति गर्न सजिलो छैन : माधव नेपाल- भिडियो - कान्तिपुर समाचार
कान्तिपुर वेबसाईट
AdvertisementAdvertisement

राजनीति गर्न सजिलो छैन : माधव नेपाल

कान्तिपुर संवाददाता

काठमाडौँ — नेकपा (एकीकृत समाजवादी) का अध्यक्ष एवं पूर्वप्रधानमन्त्री माधवकुमार नेपालले राजनीतिक यात्रा सजिलो नभएको बताएका छन् । शुक्रबार ललितपुरमा 'स्नेहलता : जीवन कथाका पानाहरू' पुस्तकको लोकार्पण कार्यक्रमलाई सम्बोधन गर्दै नेपालले  पुराना महिला योद्धाहरुलाई राजनीति गर्न धेरै गाह्रो भएको स्मरण गर्दै अहिले पनि राजनीति गर्ने काम सजिलो नभएको बताएका हुन् ।

अध्यक्ष नेपालले अझै पनि राजनीति सजिलो रूपमा गर्न सम्भव नभएको बताए । राजनीतिमा धेरै चुनौतीको सामना गर्नुपर्ने उल्लेख गर्दै अध्यक्ष नेपाललेजनताको सेवा गर्ने, समाज परिर्वतन गर्ने र देशको गरिमालाई माथि उठाउने पुराना योद्धाहरुको आचारण अनुरूपमा राजनीतिक उद्देश्य राख्नुपर्ने बताए ।

‘पुराना महिला योद्धाहरुलाई राजनीति गर्न धेरै गाह्रो थियो । राजनीति गर्ने कुरा सजिलो हुँदैन । अहिलेसम्म पनि देखिन्छ । राजनीति सजिलो यात्रा होइन । सजिलो गरी सम्भव छैन । राजनीतिमा धेरै चिजहरुको चुनौती सामना गर्नुपर्छ । तर सबैभन्दा ठूलो कुरा के हो भने राजनीतिकको उद्देश्यजनताको सेवा गर्ने हो,समाज परिवर्तन गर्ने र देशको गरिमालाई माथि उठाउने हो भने त्यहीअनुसारको आचारण हुनुपर्छ,' उनले भने । अध्यक्ष नेपालले पुराना योद्धाहरुबाट प्रेरणा लिन,सम्मान गर्न र उनीहरूको योगदानको प्रशंसा गर्न सकेमात्र इतिहासको कदर गरेको ठहरिने बताए । उनले अहिलेका राजनीतिक नेतृत्वले इतिहासको कदर गर्नसक्यो भने मात्रै भविष्यले वर्तमानको कदर गर्ने उल्लेख गरे ।

प्रकाशित : श्रावण २०, २०७९ १७:२७
प्रतिक्रिया
पठाउनुहोस्

चीनको राष्ट्रिय एकतामा बाधा पुर्‍याउने गतिविधिप्रति हाम्रो विरोध रहन्छ : माओवादी केन्द्र

कान्तिपुर संवाददाता

काठमाडौँ — नेकपा माओवादी केन्द्रले अमेरिकी सभामुख नान्सी पेलोसीको ताइवान भ्रमणको विरोध गरेको छ । शुक्रबार अध्यक्ष पुष्पकमल दाहालको सचिवालयले वक्तव्य जारी गर्दै नेपाल र नेकपा माओवादी केन्द्र 'एक चीन नीति' प्रति प्रस्ट भएको जनाएको हो । 

ताइवानमा भएका पछिल्ला घटनाप्रति ध्यानाकर्षण भएको जनाउँदै माओवादी केन्द्रले भनेको छ, ' हाम्रो देश नेपाल र हाम्रो पार्टी नेपाल कम्युनिस्ट पार्टी (माओवादी केन्द्र) एक चीन नीतिप्रति प्रस्ट छ। चीनको राष्ट्रिय एकताप्रति बाधा हुने कुनै पनि गतिविधिप्रति हाम्रो विरोध रहन्छ ।'

चीनले ताइवानलाई आफ्नै भूभागका रूपमा दाबी गर्दै आएको छ । राष्ट्रपति सी चिनफिङलगायतका चिनियाँ कम्युनिस्ट पार्टीका शीर्ष नेताले ताइवानलाई एकीकरणमार्फत चीनमा गाभिने बताउँदै आएका छन् ।

अमेरिकी सभामुख आफ्नो एसिया भ्रमणका क्रममा शुक्रबार ताइवान पुगेकी थिइन् । सभामुख पेलोसीले भने ताइवानको यथास्थितिलाई परिवर्तन गर्न आफ्नो भ्रमण नभएको स्पष्टीकरण दिएकी थिइन् । तर उनले ताइवानलाई तहसनहस हुन नदिनेचाहिँ बताएकी थिइन् ।

प्रकाशित : श्रावण २०, २०७९ १७:२६
पूरा पढ्नुहोस्
प्रतिक्रिया
पठाउनुहोस्
×