१९.१२°C काठमाडौं
काठमाडौंमा वायुको गुणस्तर: १४७

लटरम्मै फलेका सुन्तला टिप्ने चटारो

काठमाडौँ — चितवनको इच्छाकामना गाउँपालिका ३ स्थित ढाप गाउँ अहिले सुन्तलाले पहेंलै भएको छ । बोटरभरी लटरम्म सुन्तला फलेका छन् । किसानलाई सुन्तला टिपेर बिक्री गर्न भ्याइनभ्याइ छ । व्यापारी गाडी लिएर बगानमै पुग्छन् । व्यापारीलाई किसानले पहिल्यै क्रेटमा सुन्तला हालेर तयारी अवस्थामा राखिदिन्छन् । यो गाउँका किसानको मुख्य आम्दानीको स्रोत नै सुन्तला हो ।

लटरम्मै फलेका सुन्तला टिप्ने चटारो

स्थानीय युवा महेन्द्र गुरुङका अनुसार गाउँमा एक जना किसानले वार्षिक कम्तीमा एक लाखदेखि २५ लाख रुपैयाँसम्मको सुन्तला बिक्री गर्छन् । सुन्तला पोखरा, भैरहवा, बुटवल, नारायणगढ, मुग्लिन, काठमाडौं जाने गरेको छ । धेरै व्यापारीको सुन्तला जम्मा गर्ने बजार भने फिस्लिङ बन्ने गरेको छ ।

ढाप, सिरान, माझ, तल्लो डुडे, माथिल्लो डुडे लगायत गाउँका १ सय ५० भन्दा बढी किसानले व्यवसायिक रुपमा सुन्तला खेती गर्दै आएका छन् । मंसिर १५ देखि माघ अन्तिमसम्म यो गाउँका किसान सुन्तला टिपेर बिक्री गर्न व्यस्त हुन्छन् । बोटबाट सुन्तला टिपेर खुल्ला ठाउँमा ल्याउने, ठूला–साना (ग्रेडिङ) छुट्याएर क्रेटमा राख्ने गरिन्छ । क्रेटमा राखेको सुन्तला जोख्दै व्यापारीलाई दिइन्छ । ‘यहाँको सुन्तला गुलियो र रसिलो छ भन्दै व्यापारी बगानमै लिन आउँछन्,’ गुरुङले भने, ‘माग धान्नै मुस्किल छ ।’

प्रकाशित : पुस १७, २०७८ १५:३५
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?