लक्ष्मी नारायणले ३८ वर्षपछि गहना लगाए
काठमाडौँ — पाटनको नारायण मन्दिरबाट ३८ वर्षअघि चोरिएर भर्खरै घर फर्केका लक्ष्मीनारायण मूर्तिले पारम्परिक गहना लगाएका छन् । अमेरिकाको टेक्सासस्थित डल्लास म्युजियममा फेलापरेको पुरातात्त्विक मूर्तिलाई साविककै मन्दिरमा शनिबार दिउँसो प्रतिस्थापन गरिएको हो ।
क्षमापूजा र धार्मिक विधि पूरा गरेर राखिएको मूर्तिमा रित अनुसार मूर्तिका तामानिर्मित गहना पनि लगाइएको थियो । विशेष पर्व र जात्रामा मात्रै लगाइने यी गहना लक्ष्मीनारायणको प्रतिलिपी मूर्तिमा भने साइज मिलेको थिएन । बल्ल सक्कली मूर्ति आएपछि देउताले गहना लगाउन पाएका हुन् ।
प्रकाशित : मंसिर १८, २०७८ १६:३९प्रतिक्रिया