गठबन्धनले निकास दिँदैन, ताजा जनादेशमा जानुपर्छ : अध्यक्ष ओली
काठमाडौँ — नेकपा एमालेका नवनिर्वाचित अध्यक्ष केपी शर्मा ओलीले पछिल्लो समय राष्ट्रिय राजनीतिमा देखिएको समस्या समाधानका लागि जनादेशमा जानुपर्ने बताएका छन् । शुक्रबार थापाथलीस्थित पार्टीको केन्द्रीय कार्यालयमा पद बहाली गर्ने क्रममा उनले उक्त कुरा बताएका हुन् ।
'अहिले देखिएको समस्या समाधानका लागि ताजा जनादेशमा जानुपर्दछ । अन्यत्रबाट यसको निकास हुँदैन,' अध्यक्ष ओलीले भने, 'गठबन्धनले निकास दिन सक्दैन ।' जनताहरुलाई सबै कुरा थाहा भएको उनको भनाइ थियो ।
प्रकाशित : मंसिर १७, २०७८ १६:३९