राप्रपा महाधिवेशनमा माधव नेपालले भने- परिवर्तनको गतिलाई पछाडि नधकेलौं

'जनताको भावनालाई ठीक ढंगले आत्मसात् गरेर परिवर्तनको संवाहक पनि बनेर अगाडि बढ्नुस् । परिवर्तनको गतिलाई रोक्ने र पछाडि धकेल्ने काममा हामी नलागौँ । इतिहास अगाडि बढिसक्यो । इतिहास पछाडि जाँदैन,’ उनले भने, ‘त्यसैले तपाईंहरू पनि परिवर्तनको संवाहक बन्नुस् ।’

उनले नेपालका राजनीतिक दलहरूमा राष्ट्रियता, लोकतन्त्र र सामाजिक परिवर्तन तथा सामाजिक न्याय र समानताका विषयहरू ब्राण्ड बनेर रहेको बताए । ‘जसले यी ब्राण्डमा काम गरेका छन् । जसले यी एजेन्डा बोकेका छन्, ती राजनीतिकहरूले समाजमा प्रभाव राखेका छन्,’ उनले भने ।