मैले उठ्ने-नउठ्ने अहिलेसम्म कुनै निर्णय गरेको छैन : ओली- भिडियो - कान्तिपुर समाचार
कान्तिपुर वेबसाईट
AdvertisementAdvertisement

मैले उठ्ने-नउठ्ने अहिलेसम्म कुनै निर्णय गरेको छैन : ओली

कान्तिपुर संवाददाता

काठमाडौँ — नेकपा (एमाले)का अध्यक्ष केपी शर्मा ओलीले १० औं महाधिवेशनमा उम्मेदवार बन्ने कि नबन्ने भन्ने निर्णय गरिनसकेको बताएका छन् । काठमाडौंमा मंगलबार आयोजित पत्रकार सम्मेलनमा अध्यक्ष ओलीले भने, 'मैले उठ्ने, नउठ्ने अहिलेसम्म कुनै निर्णय गरेको छैन ।'

अध्यक्षमा उम्मेदवारी घोषणा गरेर उपाध्यक्ष भीमबहादुर रावलले आफूप्रति सम्मान, माया र स्नेह देखाएको पनि ओलीको भनाइ थियो । 'रावलजीले मलाई चुनौती दिनुभएको छैन । मप्रति उहाँले आदर, सम्मान, माया र स्नेह देखाउनुभएको छ । बढी खट्नुहुन्छ थकाइ लाग्ने हो कि भनेर त्यसो भए म उठ्छु भन्नुभएको हो,' उनले भने, 'उहाँले कुनै चुनौती भन्नुभएको छैन । सुझाव दिनुभएको छ । उहाँको स्नेहहपूर्ण सुझावबाट म प्रभावित छु । यो एकखालका मान्छेहरूले मन पराउने सुझाव पनि छ । मैले अध्यक्ष नउठेर बसिदिए हुन्थ्यो भन्ने बाहिरकाको पनि सुझाव छ ।'आफूले कसैलाई पनि सहमतिमा बस्न नभन्ने ओलीको भनाइ थियो । उनले कोही आफूविरुद्ध उम्मेदवार बने पनि नउठ्न भनेर दबाब नदिने बताए । उनले भने, 'मैले उठ्ने निधो गरें मलाई छोड्न नि पाउँछ, चुनौती दिन पनि पाइन्छ । कसैले चुनौती दिएमा स्वागत गर्छु । लोकतन्त्रमा चुनौती स्वाभाविक कुरा हो स्वाभाविक रूपमा लिनुपर्छ ।'

आफूविरुद्ध कोही नउठे हुन्थ्यो भन्ने नलागेको ‌ओलीले बताए । उनले कसैलाई पनि सामान्य रूपमा पनि दबाब नदिने भन्दै करकाप र दबाब कसैलाई नदिने उनको भनाइ थियो । 'सामान्य रूपमा पनि दबाब दिने मनसाय छैन । कसैलाई दबाब हुने खालको व्यवहार अभिव्यक्ति मैले उठ्ने नउठ्ने अहिलेसम्म कुनै निर्णय गरेको छैन । उठ्ने भए भने अरुलाई नउठ्न भन्दैन,' उनले भने ।

उनले पदाधिकारीमा सहमति गर्नका लागि आग्रह पनि नगर्ने बताएका छन् । 'मेरो आग्रहले पनि दबाब पुग्ने भएकाले सहमतिका लागि पनि आग्रह गर्दिनँ,' ओलीले भने, 'साथीहरु बिना करकाप सहमति गर्नुभयो भने राम्रो हो ।'

प्रकाशित : मंसिर ७, २०७८ १८:०८
प्रतिक्रिया
पठाउनुहोस्

प्रधानन्यायाधीश विवादबारे ओलीले भने- सबै न्यायाधीशले राजीनामा गर्नुपर्ने अवस्था देख्छु

कान्तिपुर संवाददाता

काठमाडौँ — प्रधानन्यायाधीश चोलेन्द्र शमशेर जबराले राजीनामा गर्नपर्ने भन्दै न्यायाधीशहरूले इजलास बहिष्कार र नेपाल बार एसोसिएसन विरोध प्रदर्शनमा रहेको अवस्थामा प्रमुख प्रतिपक्षी दल एमालेका अध्यक्ष केपी शर्मा ओलीले सबै न्यायाधीशले राजीनामा गर्नुपर्ने बताएका छन् ।

सम्पादकहरूसँग मंगलबार अन्तरक्रिया गर्दै ओलीले भने, 'अमूक व्यक्ति, फलानो हटिदिएपछि यो सिलसिला अन्त्य होलाजस्तो लाग्दैन । म त सबैले राजीनामा गर्नुपर्ने खालको अवस्था देख्छु ।'अहिले सर्वोच्च अदालतमा भइरहेका घटना दुःखद् रहेको पनि उनको भनाइ थियो । त्यसको अन्त्य प्रधानन्यायाधीश जबराले राजीनामा गरेर नहुने ओलीको ठहर थियो । अरु न्यायाधीशमाथि पनि प्रश्न उठेकाले सबैले राजीनामा गर्नुपर्ने उनले बताए । 'उहाँहरूप्रति प्रश्न उठिसकेपछि, सेटिङमा फैसला गरिसकेको देखिइसकेपछि उहाँहरूले त राजीनामा गर्नुपर्ने,' उनले भने ।ओलीले थपे, 'फलानोले राजीनामा गर्दा हुन्छ भनेजस्तो कुराले न्यायिक क्षेत्रको प्रदूषण त्यति एउटा कुराले हट्ला जस्तो मलाई लाग्दैन ।'आफूलाई प्रधानमन्त्रीबाट हटाएर शेरबहादुर देउवालाई नियुक्त गर्न परमादेश दिएकोप्रति ओलीले आक्रोश व्यक्त गरेका थिए ।

प्रकाशित : मंसिर ७, २०७८ १८:०५
पूरा पढ्नुहोस्
प्रतिक्रिया
पठाउनुहोस्
×