२६.१२°C काठमाडौं
काठमाडौंमा मंगलबारदेखि ३ दिनसम्म एस्ट्राजेनेकाको दोस्रो मात्राको खोप दिइँदै
काठमाडौँ — मंगलबारदेखि काठमाडौंमा एस्ट्राजेनेकाको दोस्रो मात्राको खोप दिइएको छ । यो खोप कात्तिक ९ देखि ३ दिनसम्म दिइन लागिएको हो । खोप लगाउनका लागि नयाँ बानेश्वरस्थित सिभिल अस्पतालमा मानिसहरूको बाक्लै भिड देखिन्थ्यो । खोप बिहान १०:०० बजे देखि बेलुकाको ४ : ०० बजे लगाइएको थियो ।
काठमाडौंको मूलपानीस्थित मूलपानी नगर अस्पतालमा कार्यरत कर्मचारीका अनुसार उनीहरूको खोप केन्द्रमा १० हजार मात्राको खोप आएको छ । खोप नेपाल प्रहरी अस्पताल महराजगञ्ज, वीरेन्द्र सैनिक अस्पताल छाउनी, वीर अस्पताल रत्नपार्क, परोपकार प्रसूति गृह तथा स्त्रीरोग अस्पताल थापाथली र निजामती कर्मचारी अस्पताल बानेश्वरमा गएर लगाउन सकिनेछ । स्वास्थ्य कार्यालय काठमाडौंले सूचना जारी गर्दै खोप लगाउन जाँदा जनस्वास्थ्यका मापदण्ड पूरा गर्न र विद्युतीय दर्ता अनिवार्य गर्न अनुरोध गरेको छ ।
प्रतिक्रिया
