अदालतले राजनीति गर्ने होइन : महासचिव पोखरेल- भिडियो - कान्तिपुर समाचार

अदालतले राजनीति गर्ने होइन : महासचिव पोखरेल

कान्तिपुर संवाददाता

काठमाडौँ — एमाले माहसचिव इश्वर पोखरेलले अदालतलाई राजनीति नगर्न चेतावनी दिएका छन् । आइतबार सञ्चारकर्मीसँग आयोजना गरेका चाडपर्वको शुभकामना आदानप्रदान कार्यक्रममा बोल्दै अदालत संविधान अनुरुप नहिँडेको दाबी गर्दै उनले आपत्ति समेत जनाए ।

उनले भने,‘जहाँसम्म अदालतको कुरा हो । अदालतले पोलिटिक्स गर्ने होइन । अदालत अदालत जस्तो हुनुपर्‍यो । अदालत संविधान अनुरुप राजनीतिक दलसम्बन्धि कानुन छ, त्यो कानुनलाई हेक्का राखेर चल्नुपर्ने हो । तर त्यस्तो भइराखेको छैन ।’

यस्तै, उनले अब पार्टीको महासचिवमा उम्मेदवारी नदिने घोषणा समेत गरे । विधानमा पनि २ पटक भन्दाबढी एउटै पदमा उठन नपाउने व्यवस्था गरेको र आफ्नो चाहना पनि तेस्रो पटक महासचिव बन्ने नरहेको उनको भनाइ थियो । महासचिव पोखरेलले आफूलगायतका पार्टीको लिडिङ रोलमा रहेका नेताहरु इतिहास, निष्ठा, निरन्तरता र क्षमता सबै हिसावले पार्टी नेतृत्वका लागि स्वभाविक दाबेदार भएको पनि दोहोर्‍याए ।

मंसिरको दोस्रो साता पार्टीको दसौं राष्ट्रिय महाधिवेशन हुने र त्यसले पार्टी नेतृत्व चयन गर्ने उनले बताए । पोखरेलले पार्टी छिटोभन्दा छिटो निर्वाचनमा जाने पक्षमा रहेको बताउँदै एमाले कांग्रेस वा अन्य दलसँग मिलेर गठबन्धन बनाउने पक्षमा भने नरहेको दाबी गरे ।

यस्त, उनले पार्टी अध्यक्षमा केपी ओलीलाई नै निरन्तरता दिने संकेत गरेका छन् । राष्ट्रिय राजनीति दुई ध्रुवमा विभाजित भएको उल्लेख गर्दै एमालेले नेतृत्व गरेको त्यो ध्रुवलाई सुदृढ बनाउनुपर्ने भन्दै पार्टीको आगामी महाधिवेशनमा पनि केपी ओलीलाई नै पार्टीको अध्यक्ष बनाउने संकेत गरेका हुन् । उनले सत्तारुढ गठबन्धन दलले नेतृत्व गरेको अर्को ध्रुवलाई बलशाली हुन नदिन पनि एमाले नेतृत्वको सो पोललाई बलियो बनाउन जरुरी रहेको बताए ।

प्रकाशित : आश्विन २४, २०७८ १९:३३
प्रतिक्रिया
पठाउनुहोस्

परराष्ट्रमन्त्री खड्का र सर्बियाका राष्ट्रपतिबीच भेटवार्ता

कान्तिपुर संवाददाता

काठमाडौँ — असंलग्न अभियान (नाम) को ६० औं वर्ष पुगेको अवसरमा सर्बियाको राजधानी बेल्ग्रेड पुगेका परराष्ट्रमन्त्री नारायण खड्काले साइडलाइन वार्ता अन्तर्गत आइतबार सर्बियाका राष्ट्रपति अलेक्सान्डर भूचिचसँग शिष्टाचार भेटवार्ता गरेका छन् ।

परराष्ट्र मन्त्रालयका अनुसार उक्त भेटवार्तामा दुवै पक्षले आपसी पारस्परिक हितका विषयहरु आदान–प्रदान गरेका थिए । यस्तै, साइडलाइन वार्ताकै दौरान मन्त्री खड्काले सर्बियाका परराष्ट्रमन्त्री निकोला सेलाकोभिचसँग पनि भेटवार्ता गरे ।

यस अवसरमा द्धीपक्षीय, क्षेत्रीय र बहुपक्षीय सहयोगलाई प्रबर्द्धन गर्ने विषयमा कुराकारी भएको परराष्ट्रले जनाएको छ । नेपाल पनि नामको सदस्यराष्ट्र हो । मन्त्री खड्का नेपालको उच्चस्तरीय प्रतिनिधि मण्डलको नेतृत्व गर्दै उक्त कार्यत्रममा सहभागी भएका हुन् । कार्यक्रम सोमबार र बुधबार हुँदैछ भने मन्त्री खड्काले पहिलो दिन नेपालको तर्फबाट सम्बोधन गर्ने कार्यक्रम तय भएको छ ।

प्रकाशित : आश्विन २४, २०७८ १९:२४
पूरा पढ्नुहोस्
प्रतिक्रिया
पठाउनुहोस्
×