सगरमाथामा रेकर्ड ब्रेकर फेशन शो- भिडियो - कान्तिपुर समाचार
कान्तिपुर वेबसाईट
AdvertisementAdvertisement

सगरमाथामा रेकर्ड ब्रेकर फेशन शो

सुरज कुँवर

काठमाडौँ — कोरोना माहामारीबाट सिंगो मानव जीवन प्रभावित बनेका बेला असोज पहिलो साता सगरमाथा क्षेत्रको गोक्योमा पुगेका १० देशका मोडलले विश्वको ध्यान खिचे ।त्यति मात्रै होइन, उनीहरुलाई गिनिज वर्ल्ड रेकर्डले पनि नयाँ कीर्तिमानी कायम गरेकोमा प्रमाणपत्र दियो । समुद्री सतहबाट ५५०० मिटर उचाइमा हिउँमाथि बनाइएको र्‍याम्पमा नेपाली पोशाक लगाएर उनीहरुले विश्‍व फेशन बजारका पारखीहरुलाई गौतम बुद्धको अहिंसामा आधारित पोशाक प्रदर्शनी गरेका थिए ।

‘गोक्योमा गरिएको फेशन शोमा रेशम किरा नमारी तयार पारिएको सिल्कबाट बनाइएका कपडा मोडलले लगाए,’ आयोजकमध्येका पंकज के गुप्ताले कान्तिपुरसँग भने, ‘यस्को अर्थ हिंसा विना फ्रेब्रिक उत्पादन गरेर प्रयोग गर्न सकिन्छ भन्ने थियो, जसलाई हामीले यसपटक बुद्धिष्ट फेशन लाइन भनी नाम दियौँ ।’ उनले विश्वभरका फेशनबारे जानकारी राख्ने तथा मोडललाई यसपटक नेपालबाट फेशनको दिगोपनबारे पनि सन्देश दिएको बताए ।

यस कार्यक्रमलाई गिनिज वर्ल्ड रेकर्डले विश्‍वकै अग्लो स्थानमा आयोजना गरिएको फेशन शो भनी प्रमाणपत्र दिएको छ । यसबाहेक यो कार्यत्रममा काठमाडौंबाट गोक्यो पुगेका नेपाल पर्यटन बोर्डका सीईओ डा. धनञ्जय रेग्मीसहित ४५ जनालाई पनि गिनिजिले अग्लो स्थानमा भएको फेशन शोका दर्शक (सुपर अडियन्स) लाई पनि प्रमाणपत्र दिइएको छ ।फेशन शोमा भाग लिन इटाली, फिनल्याण्ड, पोल्याण्ड, रसिया, बेलायत, जर्मनी, लक्जेम्बर्ग लगायत मुलुकबाट आएका मोडलहरु काठमाडौंदेखि हवाईमार्गबाट लुक्ला हुँदै ११ दिनको पैदलयात्रामा गोक्यो पुगेका थिए । आयोजकका अनुसार कोरोना महामारीपछि त्यहाँ समूहमा पुगेको यो पहिलो टोलीलाई पहिलो सगरमाथा आरोहण दलका सदस्य कान्छा शेर्पाले स्वागत गरेका थिए ।

खुम्बु क्षेत्रमा दोस्रोपटक आयोजना गरिएको यस कार्यक्रम नेपाली युवा व्यवसायी रिकेन महर्जन, फेशन डिजाइनर रमिला नेमकुल र भारतीय नागरिक फेशन विश्लेषक पंकज के गुप्ताले आयोजना गरेका थिए । यस्मा प्रयोग गरिएका पोशाक नेपाली कम्पनी कासाले तयार पारेको थियो । यो कार्यक्रमको लागत ४ करोड रुपैयाँ रहेको आयोजक रिकेन महर्जनले बताए ।

प्रकाशित : आश्विन २१, २०७८ १९:१५
प्रतिक्रिया
पठाउनुहोस्

नेकपा (एस) काे चुनाव चिन्ह फेरियो, ‘कलम’ रहने  

कान्तिपुर संवाददाता

काठमाडौँ — नेकपा (एकीकृत समाजवादी)ले आफ्नो चुनाव चिन्ह फेरेको छ । यसअघि किताब प्रस्तावित गरिएकोमा अब कलम चिन्ह हुनेछ । स्थायी कमिटीको बिहीबारको बैठकले चिन्ह फेरबदल गर्ने निर्णय गरेको हो । उक्त चिन्ह यसअघि माधव नेपाल निकट युवा नेता जीवन राईको नाममा दर्ता भएको नेकपा एकीकृत पार्टीले पाएको थियो । राई पनि नेपालकै पार्टीमा रहने भएपछि चिन्ह फेरेर उक्त चिन्ह नेकपा (एस)मा ल्याउन लागिएको हो ।

यसैबीच नेकपा (एस)ले पार्टीको केन्द्रीय कार्यालय र केन्द्रीय सचिवालयको टुंगो लगाएको हो । केन्द्रीय सचिवालय महासचिव बेदुराम भुसालको नेतृत्वमा ११ सदस्यीय हुनेछ । केन्द्रीय कार्यालयमा पनि महासचिव भुसालको नेतृत्वमा ५ जनाको हुनेछ ।

प्रकाशित : आश्विन २१, २०७८ १९:०९
पूरा पढ्नुहोस्
प्रतिक्रिया
पठाउनुहोस्
×