माओवादीले फेरि देशको नेतृत्व गर्ने अवस्था आउँछ : दाहाल- भिडियो - कान्तिपुर समाचार
कान्तिपुर वेबसाईट
AdvertisementAdvertisement

माओवादीले फेरि देशको नेतृत्व गर्ने अवस्था आउँछ : दाहाल

‘जनता र कार्यकर्ता बिग्रिएका होइनन्, हामी माथिल्लो तहका नेता बिग्रियौं’
कान्तिपुर संवाददाता

काठमाडौँ — नेकपा माओवादी केन्द्रका अध्यक्ष पुष्पकमल दाहालले माथिल्लो स्तरका नेतामा विचलन आएको बताएका छन् । बुधबार पार्टी कार्यालय पेरिसडाँडामा पोस्टबहादुर बोगटीको स्मृति दिवसका अवसरमा आयोजित कार्यक्रममा अध्यक्ष दाहालले अझै पनि जनतामा क्रान्तिप्रति रुचि रहेको बताएका हुन् ।

पुस ५ गतेको प्रतिगमनपछिको आन्दोलनले लाखौंको संख्यामा क्रान्तिका लागि जनता सडकमा आउन तयार रहेको देखाएको दाहालले बताए ।

‘हामी अलिअलि बिग्रियौं कि भन्ठानेको, जनता बिग्रेको होइन । ग्रास लेभलको कार्यकर्ता बिग्रेको पनि होइन, हामी अलि माथि आएका नेताहरु, गुट गर्दै हिँड्न रमाउनेचाहिँ हामी माथिका नेता हो, तलका होइन भन्ने सावित भयो,’ दाहालले भने । लाखौं जनता सडकमा आएर प्रतिगमनलाई हराउनै पर्छ भन्ने पनि देखाएको उनको भनाई थियो । प्रतिगमनविरोधी आन्दोलनबाट जनताले गलत बाटोमा जान हुन्न है भनेर आफूहरुलाई पाठ सिकाएको पनि उनले बताए ।

पूरा पढ्न : माओवादीले फेरि देशको नेतृत्व गर्ने अवस्था आउँछ : दाहाल

प्रकाशित : भाद्र ३०, २०७८ १४:०८
प्रतिक्रिया
पठाउनुहोस्

चट्याङसहित वर्षाको सम्भावना

रासस

काठमाडौँ — देशभर बुधबार सामान्य बदली रही धेरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।

फाइल तस्बिर ।

जल तथा मौसम विज्ञान विभागका आनुसार नेपालमा भारतको छत्तीसगढ र मध्यप्रदेश आसपासमा अवस्थित न्यूनचापीय क्षेत्रको सामान्य प्रभावका साथै मनसुन न्यूनचापीय रेखा औषत स्थानभन्दा दक्षिणतर्फ रेहकाले मेघगर्जन र चट्याङसहित वर्षाको सम्भावना रहेको छ ।

विभागका मौसमविद् गंगा नगरकोटीले उक्त प्रणालीको प्रभावका कारण अबका तीन दिन देशका अधिकांश स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको बताइन् । हाल देशभर सामान्यदेखि पूर्ण बदलीसहित प्रदेश नं २, वाग्मती र गण्डकी प्रदेशका केही स्थानमा हल्का वर्षा भइरहेको छ । दिउँसो देशभर सामान्य बदली रही बागमती, गण्डकी तथा सुदूरपश्चिम प्रदेशका केही र अन्य प्रदेशका थोरै स्थानमा मेघगर्जन÷चट्याङसहित हल्कादेखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।

महाशाखाको पछिल्लो विवरणअनुसार बुधबार काठमाडौँ उपत्यकाको न्यूनतम तापक्रम १९ दशमलव पाँच डिग्री र अधिकतम तापक्रम २८ दशमलव दुई डिग्री सेल्सियस रहेको छ । त्यस्तै, बुधबार सबैभन्दा कम जुम्लाको न्यूनतम तापक्रम १२ दशमलव आठ डिग्री र सबैभन्दा धेरै धनगढीको अधिकतम तापक्रम ३५ दशमलव आठ डिग्री सेल्सियस रहेको छ ।

प्रकाशित : भाद्र ३०, २०७८ १४:०२
पूरा पढ्नुहोस्
प्रतिक्रिया
पठाउनुहोस्
×