थापाथली–प्रसूति गृह सडकको बेहाल : कहिले बन्ला ?

सडक निर्माणको काम कँडेल निर्माण सेवाले पाएको छ ।

‘ढलको समस्या थियो । ढलको काम सम्पन्न गर्दागर्दै लकडाउन भयो । वैशाखदेखि काम रोकिएको थियो,’ काठमाडौं महानगरपालिका सार्वजनिक निर्माण प्रमुख राम थापाले भने । नेपाल विद्युत् प्राधिकरणले सडकमुनि केबलको काम गरिरहेको र बर्खाको बेला भएकाले अहिले सडकमा रहेका खाल्टाखुल्टी पुर्ने काम भएको महानगरपालिकाका निर्माण प्रमुख थापाले बताए ।

महानगरपालिकाका निर्माण प्रमुख थापाका अनुसार भदौभित्र सुरु गरेर दसैं–तिहारसम्म सम्पन्न गर्ने हिसाबले अगाडि बढ्दैछ । पिच गर्ने कामलाई असोज कात्तिकमा गरिने उनले बताए ।

खाल्टाखुल्टीको समस्याको कुरामा प्राधिकरणले जहाँ जहाँ खनेको छ ती ठाउँमा तत्काल पुर्न निर्देशन दिइएको पनि उनले बताए ।