पाहुनाको पर्खाइमा डाँडागाउँ होमस्टे

गाउँकै उत्पादनको स्वाद होमस्टेमा पुग्नेहरुले चाख्न पाउँछन् । तामाङ समुदायका महिला आफ्नै भेषभुषामा सजिएर डम्फु बजाउँदै पाहुनाको स्वागतमा जुट्छन् । शिवपुरी–नागार्जुन राष्ट्रिय निकुञ्ज छिचोलेसी यो गाउँसम्म पुगिन्छ । तर अहिले कोभिडले गर्दा होमस्टे बन्द छन् । स्थानीय कोभिडको जोखिम कम भएपछि स्वास्थ्य सावधानी अपनाएर होमस्टे चलाउने सुरमा छन् । यो ठाउँबाट काठमाडौं उपत्यका छर्लंग देखिन्छ । वरिपरिका हरियाली डाँडापाखाले मोहित पार्छ ।