उपत्यकाको निषेधाज्ञा १० दिन थपियो, खाद्यान्न पसल खोल्न पाइने- भिडियो - कान्तिपुर समाचार
कान्तिपुर वेबसाईट
AdvertisementAdvertisement

उपत्यकाको निषेधाज्ञा १० दिन थपियो, खाद्यान्न पसल खोल्न पाइने

कान्तिपुर संवाददाता

काठमाडौँ — उपत्यकामा जारी निषेधाज्ञा १० दिन थप गरिएको छ । भक्तपुरका प्रमुख जिल्ला अधिकारी (सीडीओ) प्रेमप्रसाद भट्टराईले खाद्यान्न तथा किराना पसल खोल्न दिनेजस्ता केही प्रावधान खुकुलो पारेर निषेधाज्ञा जेठ ३१ गतेसम्म थप गरिएको कान्तिपुरलाई बताए ।यस्तै ललितपुरका सीडीओ ढुण्डिप्रसाद निरौलाले पनि खाद्य र किराना पसल खोल्न र निर्माणका सामाग्री ढुवानी गर्न दिइने बताए । 'यो एक हप्ता कडारुपमा गरिएको निषेधाज्ञाले संक्रमण रोक्न मद्दत गर्‍यो । अब खाद्य सामाग्रीका पसलहरु बिहान खोल्न दिने गरी १० दिन थप गरिएको छ,' निरौलाले कान्तिपुरसँग भने ।

काठमाडौंका सीडीओले जारी गरेको निषेधाज्ञासम्बन्धी आदेशमा खाद्यान्न, किराना, तरकारी तथा फलफूल पसल, दुध डेरी, मासु पसल, ग्याँस पसल बिहान ९ बजेसम्म खोल्न पाइने उल्लेख छ । यस्तै निर्माण सामाग्री ढुवानीका सवारी साधान राती ९ बजेदेखि बिहान ४ सम्म चलाउन पाइने पनि आदेशमा उल्लेख गरिएको छ । यस्तै, सवारी साधन मर्मत गर्ने वर्कशपहरु राती ९ बजेदेखि बिहान ९ बजेसम्म खोल्न पाइनेछ ।

शैक्षिक संस्था, सार्वजनिक निजी सवारी तथा भोज, सभा समारोहजस्ता धेरै मानिस जम्मा हुने स्थललाई बन्द गर्ने निर्णय यथावत राखिएको छ । घरमै वा बसेको स्थानमा ७ जनासम्म जम्मा भई विवाह ब्रतबन्ध गर्न पाइने छ । सरकारले तोकेका मापदण्ड पालना गरि कृषिको काम गर्न भने छुट दिइएको छ । अत्यावश्यकबाहेक सरकारी कार्यालय, सार्वजनिक संस्थान र बीमा कार्यालयहरु बन्द रहने छन् । वाणिज्य बैंकहरुले भने प्रधान कार्यालयबाहेक काठमाडौंमा तीनवटा शाखा कार्यालयमात्र खोल्न पाउनेछन् । संचारकर्मीलाई सूचना विभागको पास वा जिल्ला प्रशासनबाट जारी गरिएको पासका आधारमा आवतजावत गर्न दिइने आदेशमा उल्लेख गरिएको छ । औषधि तथा खाद्यान्नजस्ता अत्यावश्यक वस्तु र सेवा खरिदमा बाहेक जेठ ३१ सम्म कुनै पनि व्यक्ति घरबाट बाहिर निस्कन नपाइने पनि आदेशमा उल्लेख गरिएको छ ।

प्रकाशित : जेष्ठ १९, २०७८ १८:१२
प्रतिक्रिया
पठाउनुहोस्

अफ्रिकी मुलुकका एनआरएन शाखाबाट ११ जिल्लाका २६ अस्पताललाई स्वास्थ्य सामग्री सहयोग

कान्तिपुर संवाददाता

काठमाडौँ — अफ्रिकाका विभिन्न देशमा रहेका एनआरएनएनका शाखाहरुले ११ जिल्लाका २६ अस्पताल र स्वास्थ्य केन्द्रमा सहयोग गरेका छन् ।

१२५ अक्सिजन सिलिन्डर खरिद र १०२५ रिफिल अक्सिजन सिलिन्डर गरि ११५०थान अक्सिजन सिलिन्डर र स्वास्थ्य सामाग्री अस्पताल र स्वास्थ्य चौकीहरुलाई हस्तान्तरण गरेका हुन् ।

प्रत्यक्ष रुपमा बिरामीलाई सोझै पुगि सकेको एनआरएनएको यो पहिलो सहयोग हो । संघले इलाम, बाराको सिमरा, चितवनको रत्ननगर, पूर्वी नवलपरासीको रजहर, पश्चिम नवलपरासीको परासी, चौपत्ता र चिसापानी, पाल्पाका तानसेन लगायत १० पालिकाहरु, स्याङ्जाको वालिङ र गुल्मीका जोहाङ्ग र भर्से अस्पताल र स्वास्थ्य चौकीमा अक्सिजन ग्यास सहितका सिलिन्डरहरु हस्तान्तरण गरिसकेको छ ।

त्यसैगरी कैलालीको टीकापुर अस्पताल, अछामको बयलपाटा र मंगलसेन अस्पतालमा ग्यास सिलिन्डर र कैलालीको जानकी गाउँ पालिकामा स्वास्थ्य सामाग्री पुर्याएको संघका अफ्रिका संयोजक रोशन थापाले जानकारी दिए ।

बुधबार मात्रै संघले जुम्लाको कर्णाली स्वास्थ्य विज्ञान प्रतिष्ठानमा अक्सिजन सिलिन्डर हस्तान्तरण गरेको छ ।

यो अभियानमा सेसेल्स अध्यक्ष रामप्रसाद पन्तले चितवन, कंगो अध्यक्ष अमृत क्षेत्रीले लुम्बिनी प्रदेश, बोत्स्वाना अध्यक्ष पदम भन्डारीले गुल्मी, मोजाम्बिक अध्यक्ष देवी पौडेलले पूर्वी नवलपरासी, युगान्डा अध्यक्ष विनोद थापाले बारा पर्सा , आइभोरीकोष्ट अध्यक्ष कृष्ण डुम्रेले स्याङ्जा र अफ्रिका संयोजक रोशन थापाले इलामको संयोजन र कर्णाली र सुदूरपश्चिम प्रदेसको संयोजन अफ्रिका महिला संयोजक मन थापाले गरिन् ।

प्रकाशित : जेष्ठ १९, २०७८ १७:५४
पूरा पढ्नुहोस्
प्रतिक्रिया
पठाउनुहोस्
×