निषेधाज्ञा हुने भएपछि घर फर्किनेको लर्को
काठमाडौँ — उपत्यकामा कोरोना भाइरसका संक्रमित बढेसँगै स्कुल–कलेज बन्द भएपछि घर जानेको चाप बढेको छ । बिहीबारबाट निषेधाज्ञा हुने भएपछि नयाँ बसपार्क, कलंकी, कोटेश्वर, चाबहिल, गौशालालगायत स्थानमा भिडमभीड छ ।
यात्रु बाहिरिने क्रम बढेकाले गाडीमा सिट पाउनै गाह्रो भएको छ, सिट पाइहाले पनि महँगो भाडा तिर्नुपरिरहेको छ । सोमबार सरकारले उपत्यकासहित विभिन्न जिल्लामा निषेधाज्ञा लगानउने निर्णय गरेसँगै मंगलबार बिहानैदेखि बसपार्कमा घर जानेको भीड थियो । बुधबार बिहानैदेखि कोटेश्वरलगायत विभिन्न ठाउँमा घर जानेको भीड लागेको छ ।
प्रतिक्रिया