'काठमाडौंको हावा दैनिक ६/७ खिल्ली चुरोट खाए बराबर छ'- भिडियो - कान्तिपुर समाचार
कान्तिपुर वेबसाईट
AdvertisementAdvertisement

'काठमाडौंको हावा दैनिक ६/७ खिल्ली चुरोट खाए बराबर छ'

कान्तिपुर संवाददाता

काठमाडौँ — केही हप्तादेखि काठमाडौंसहित देशका विभिन्न स्थानमा वायु प्रदूषण र तुवाँलो बढेको छ । डढेलोलगायत अन्य विविध कारणले प्रदूषण भएको विज्ञहरुले बताउँदै आएका छन् । कचौरा आकारको काठमाडौं उपत्यकाको भौगोलिक अवस्थितिका कारण यहाँ प्रदूषण उच्च भएको विज्ञहरु बताउँदै आएका छन् ।

उपत्यकाको वायु गुणस्तर धेरै नै नराम्रो देखिएको छ । विश्वकै सबैभन्दा प्रदूषित सहरमा काठमाडौं दर्ज भएको छ । वायु प्रदूषण र काठमाडौं सहरलाई कसरी बस्नलायक सहर बनाउन सकिन्छ भन्ने विषयमा केन्द्रित भएर इकान्तिपुरका लागि गोविन्द पोखरेलले वातावरण अध्येता एवं अनुसन्धानकर्ता उत्तमबाबु श्रेष्ठसँग गरेको कुराकानीको अंशः

प्रकाशित : चैत्र ३०, २०७७ ०९:५९
प्रतिक्रिया
पठाउनुहोस्

मुख्यमन्त्री राईले बोलाए सर्वदलीय बैठक

देवनारायण साह

विराटनगर — प्रदेश १ का मुख्यमन्त्री शेरधन राईले सर्वदलीय बैठक बोलाएका छन् । सोमबार दिउँसो १ बजेका लागि बोलाइएको प्रदेशसभा बैठक सत्तारुढ दल माओवादी केन्द्रका साथै विपक्षी दलहरुले अवरुद्ध गर्ने भएपछि मुख्यमन्त्री राईले सर्वदलीय बैठक बोलाएका हुन् ।

फाइल तस्बिर।

सभामुख प्रदीपकुमार भण्डारीले आइतबार बोलाएको सर्वदलीय बैठकमा मुख्यमन्त्री राई अनुपस्थित भएका थिए । उनी अनुपस्थित भएकाले बैठक बिनानिष्कर्ष टुंगिएको थियो ।

विपक्षी दलले प्रदेशसभामा चालु आर्थिक वर्षको स्वीकृत योजनाहरुको स्रोत सुनिश्चितताको माग गरेका छन् । तर सरकारले चालु आर्थिक वर्षमा ल्याएको ४० अर्ब ८९ करोड ९९ लाख ४७ हजार रुपैयाँको बजेटमध्ये स्रोत अभावमा आधा मात्रै कार्यान्वयन गर्न मातहतका सबै मन्त्रायलय तथा निकायहरुलाई पत्राचार गरेर बजेट कटौती गरेको छ ।

मुख्यमन्त्री राईले बिहान ११ बजे मुख्यमन्त्री तथा मन्त्रिपरिषद् कार्यालयमा सर्वदलीय बैठक बोलाएको प्रमुख प्रतिपक्षी दल कांग्रेसका प्रमुख सचेतक केदार कार्कीले बताए ।

प्रदेशसभाको बिहीबार र शुक्रबार बसेको बैठक माओवादी केन्द्रलगायतका विपक्षी दलहरुले अवरुद्ध गरेपछि सभामुख भण्डारीले आइतबार बैठक सुरु गर्न सर्वदलीय बैठक बोलाएका थिए । उक्त बैठकमा मुख्यमन्त्री राई आफू अनुपस्थित भएर आन्तरिक मामिला तथा कानुन मन्त्री हिक्मत कार्कीलाई पठाएका थिए ।

मुख्यमन्त्री राई सर्वदलीय बैठकमा उपस्थित हुने समय दिएर पनि अनुपस्थित भएकाले सभामुख भण्डारीले बैठक सुरु गर्नका लागि अब आफूले सर्वदलीय बैठक नबोलाउने बताएका थिए । सभामुख भण्डारीले बैठक नबोलाउने भनेकाले मुख्यमन्त्री राईले सर्वदलीय बैठक बोलाएको मुख्यमन्त्री तथा मन्त्रिपरिषद् कार्यालयले जनाएको छ ।


प्रकाशित : चैत्र ३०, २०७७ ०९:४८
पूरा पढ्नुहोस्
प्रतिक्रिया
पठाउनुहोस्
×