‘यिनै नेताहरू नेतृत्वमा रहँदासम्म सकारात्मक सोच्‍ने ठाउँ छैन’- भिडियो - कान्तिपुर समाचार

‘यिनै नेताहरू नेतृत्वमा रहँदासम्म सकारात्मक सोच्‍ने ठाउँ छैन’

कान्तिपुर संवाददाता

काठमाडौँ — भनिन्छ, युग परिवर्तनको क्रान्ति एकपटक हुन्छ तर नेपालमा प्रत्येक १०/१२ वर्षमा ठुल्ठूला आन्दोलन हुने र आन्दोलनको उपलब्धिप्रति क्रमशः नागरिककै मोहभंग हुने क्रम २००७ सालयता दोहोरिइरहेको छ । पुराना आन्दोलनहरु, प्राप्त र गुमेका उपलब्धिहरुलाई सम्झाउने गरी प्रतिनिधिसभा निर्वाचनपछि एउटा लयमा हिँडिरहेको देशको राजनीतिक परिस्थिति गत पुस ५ यता उद्वेलित छ  ।

नागरिक समाज, बुद्धिजीवी, दल र सम्बद्ध कार्यकर्ता विभाजित छन् । यस्तोमा फेरि प्रश्न उठिरहेका छन्– के हामीले गरेको परिवर्तनको आधार यत्तिकै कमजोर थियो ? पछिल्लो राजनीतिक घटनाक्रमको पृष्ठभूमिमा यिनै प्रश्नहरुको सेरोफेरोमा रहेर पूर्वप्रमुख निर्वाचन आयुक्त भोजराज पोखरेलसँग बिनु सुवेदीले गरेको कुराकानी :

प्रकाशित : माघ ६, २०७७ १३:१९
प्रतिक्रिया
पठाउनुहोस्

ल्हासामा हिमालय एयरलाइन्सको परीक्षण उडान 

कान्तिपुर संवाददाता

काठमाडौँ — चार वर्षदेखि काठमाडौंलाई हब बनाएर अन्तर्राष्ट्रिय उडान गर्दै आएको हिमालय एअरलायन्सले मंगलबार काठमाडौंबाट चीनको ल्हासाका लागि परीक्षण उडान गरेको छ ।


हिमालयका अनुसार पहिलोपटक गरिएको परीक्षण उडान (एचनाइन–९६१) मंगलबार बिहान त्रिभुवन अन्तर्राष्ट्रिय विमानस्थलबाट ७:१७ बजे ल्हासाका लागि काठमाडौंबाट उडेको थियो ।

उक्त विमान नेपाली समय अनुसार ल्हासाको गोंगर अन्तर्राष्ट्रिय विमानस्थलमा बिहान १०:४६ बजे अवतरण भएको थियो । ल्हासाबाट मंगलबार नै २ बजे अवतरण हुने तालिका रहेको छ ।


परीक्षण उडानका लागि हिमालयले न्यारोबडी हवाई जहाजए ३१९–११५ उडाएको छ । यो उच्च उचाइको उडान भर्नका लागि परिमार्जित गरिएको विमान हो । यस्तो परिमार्जित विमानले अधिकतम १४ हजार ५ सय फिटसम्मको एअरोड्रम उचाइ भएको ट्रान्स हिमालयन मार्गहरू भएर उड्ने क्षमता राख्दछ ।

ल्हासा विमानस्थल ३५ सय ७० मिटर अर्थात् ११ हजार ७ सय ११ फिट बराबरको उचाइमा पर्छ । हिमालयले हाल चारवटा जहाजबाट काठमाडौंदेखि ढाका, अबुधाबी, दमाम, दोहा, क्वालालम्पुर तथा चीनको बेइजिङ्ग र छोङछिङमा उडान सेवा भर्दै आएको छ ।

प्रकाशित : माघ ६, २०७७ १३:१६
पूरा पढ्नुहोस्
प्रतिक्रिया
पठाउनुहोस्
×