कान्तिपुर वेबसाईट
AdvertisementAdvertisement

जब निकुञ्‍जकै कर्मचारीले चेपाङ बस्तीमा आगजनी गरे

कान्तिपुर संवाददाता

काठमाडौँ — चितवनको कुसुम खोलामा बस्दै आएका चेपाङ समुदायको घरमा चितवन राष्ट्रिय निकुञ्जका कर्मचारीसहितले आगो लगाएपछि उनीहरुको विचल्ली भएको छ ।

बर्खाको समयमा सरकारी निकायका कर्मचारीहरुबाट नै पीडित भएपछि चेपाङ समुदायका व्यक्तिहरु अहिले स्थानीय विद्यालयमा ओत लागेर बस्‍न बाध्य छन् । कोभिड-१९का कारण विद्यालयहरु बन्द रहेकाले उनीहरु विद्यालयमा बस्न पाएका छन् तर विद्यालयमा अध्ययन सुरु हुन थालेपछि भने उनीहरु झन् समस्यामा पर्ने देखिन्छ ।

गत शनिबार चेपाङ समुदाय बस्दै आएका दुईवटा घरमा निकुञ्जका कर्मचारीले आगो लगाएका हुन् । अन्य घरहरु र खेतीबालीमा हात्ती लगाएर नष्ट गरिएको थियो । स्थानीय गंगामाया चेपाङले हात्तीसहित आएका निकुञ्जका कर्मचारी र नेपाली सेनाको टोलीले घरमा आगो लगाएको बताइन् ।

यो पनि पढ्नुहोस्ः

जो सपनामा पनि घर जलाइएकै देख्छन्

कुसुमखोलामा किन अड्किए १० घर ?

कुसुम खोलावासीलाई सधैं कष्ट

‘सुकुम्बासी हटाउन निकुञ्‍जकै निर्देशनमा आगजनी’

कुसुमखोलाका सुकुम्बासीमाथि जब निकुञ्‍ज आइलाग्यो

प्रकाशित : श्रावण १०, २०७७ २०:२४
प्रतिक्रिया
पठाउनुहोस्

हत्या आरोपमा ४ जना पक्राउ

कान्तिपुर संवाददाता

जुम्ला — हिमा गाउँपालिकाको जार्जीमा एक व्यक्तिको हत्या आरोपमा प्रहरीले चार जनालाई पक्राउ गरेको छ । ३५ वर्षीय लगम भनिने लोकबहादुर शाहीको शव बुधबार जार्जी र सिम्तली गाउँको बीचमा बाटोदेखि करिब ५० मिटर तल भेटिएको थियो ।

मंगलबार राति उनको हत्या भएको प्रहरीले जनाएको छ । जिल्ला प्रहरी प्रमुख डीएसपी लालबहादुर धामीले घटनामा संलग्न भएको शंकामा स्थानीय चार जनालाई पक्राउ गरी अनुसन्धान भइरहेको बताए । ‘चारै जनाको नाममा किटानी जाहेरी पनि परेको छ,’ उनले भने ।

मृतकका आफन्त चेतन शाहीले लगमको छाती, अनुहार र टाउकोमा ठूलो चोट लागेको बताए । उनका अनुसार चोट हेर्दा ढुंगाले हानेको जस्तो देखिन्छ । पदम भन्ने पदमबहादुर शाही, अम्मर शाही, जयबहादुर बुढा र बलबहादुर बुढाको नाममा किटानी जाहेरी दर्ता गरिएको उनले बताए ।

‘चार दिनसम्म प्रहरीले जाहेरी लिन आनाकानी गरिरहेको थियो, आज बल्ल जाहेरी लिएर अनुसन्धान थालेको भनेको छ,’ उनले भने । घटनाको दिन मृतक र ती व्यक्तिहरूले स्थानीय एक होटलमा सँगै बसेर खाजा खाएको र पछि झगडा परेको शाहीले बताए ।

प्रकाशित : श्रावण १०, २०७७ १९:३२
पूरा पढ्नुहोस्
प्रतिक्रिया
पठाउनुहोस्
×